Umukululo Wa Mepusho

◼ Bushe kuti caba fye bwino ukulimina nelyo ukufwaya inshila shimbi isha kupangilamo indalama sha cilonganino?

Amacalici ayengi pa kusanga indalama balakwata amabala e lyo bashitisha ifyo basombola e lyo yambi amacalici balalimina pa kupanga indalama. Nangu ca kutila bamo kuti batila ukucite fi kwaliba fye bwino, lelo cimo cine no kulombelesha indalama. Iyi te nshila Inte sha kwa Yehova basangilamo indalama.

Ulupungu lwa kwa Kalinda ulwa bubili ulwa August 1879 lwandile umulandu tukaanina ukupashanya amacalici no mulandu tushilombelesha indalama ukuti: “Twaishiba ukuti YEHOVA e wafwilisha magazini ya ‘Zion’s Watch Tower,’ kanshi tatwakatale atulombelesha nangu ukupaapata ku bantu ukuti batupeeleko indalama. Ilyo Uusosa ukuti: ‘Golde yonse na silfere iyaba mu mpili yandi,’ akafilwa ukutupeela indalama, e lyo tukeshiba ukuti nomba e nshita ya kuleka ukusabankanya iyi magazini.”

Na nomba tucili tukonka icishinte caba mu Baibolo icitila: “Onse acite umo apangile mu mutima wakwe, te kupeela na mutimako nangu mu kupatikishiwa, pantu Lesa atemwa uupeela ne nsansa.” (2 Kor. 9:7) Utubokoshi twa misangulo tuba mu Ng’anda ya Bufumu pa kutila abalefwaya kuti basangula mu kuitemenwa. (2 Isha. 12:9) Imisangulo ya mu tubokoshi te kulombelesha iyo; kabili taicitwa pa kuti abasangula babapeele ifipe ifilingene ne ndalama baciposamo.—Na kabili moneni Umukululo wa Fipusho mu Ubutumikishi Bwesu Ubwa Bufumu ubwa January 2000.