Landeni pa lwa kwa Yehova Cila Bushiku

¹ Abantu balaipakisha ukulanda pa cili conse cintu batemwisha, pantu ku kupaka kwa fya mu mutima wa muntu e ko akanwa kalandila. (Luka 6:45b) Cinshi twatemwisha sana? Kemba wa malumbo alembele ati: “Ululimi lwandi lukalando bulungami bwenu, lukalando kumutasha akasuba konse.” (Ilu. 35:28) Alitesekeshe Yehova apakalamba kabili alecimona ishuko line line ukulanda pa lwa kwa Lesa no Kumutasha inshita shonse. Pa kuba ne senge na Yehova, kemba wa malumbo aali ne fingi ifya kusekelelapo. (Ilu. 35:9) Ni shani twingapashanya ica kumwenako cakwe icishaiwamina?

² Landeni pa lwa kwa Yehova mu Ng’anda Yenu: Yehova alingile ukulalandwapo cila bushiku mu cinshingwa ng’anda ica lupwa. Abafyashi ababa no kutemwa kwa kuli Yehova ukwakosa mu cifyalilwa fye kuti balanda pa lwa wene mu mibombele yabo yonse. (Amala. 6:5-7) Ilyo balemulandapo, abana bakalamona ukuti wishibo na nyinabo bekalila ku kutetekela kabili balateesa ifunde lya kwa Lesa. Abana lyene bakamona isambililo lya Baibolo ilya lupwa nge nshila umumonekela ukuipeelesha kwa bukapepa ukwa bafyashi babo.—2 Pet. 3:11.

³ Landeni pa lwa kwa Yehova Kuli Bamunyinenwe: Mu mibombele yesu iya teokrasi iya cila mulungu, tulaba na mashuko ayengi aya kuliisha imintontonkanya yesu ne mitima ica kulya ca ku mupashi. Tatwatala atubulishapo ifintu ifisuma ifya kushimika. (Luka 6:45a) Bushe kuliko icishinka cintu mwasangile mu kusambilila kwa pa lwenu nelyo mu kubelenga kwa cila mulungu ukwa Baibolo cintu maka maka mwaipakishe? Ebeniko bamunyinenwe, na muli fyo ukubaafwa ukwingilishako ukutemwa kwabo ukwa kuli Yehova.—Ilu. 35:18; Heb. 10:24.

⁴ Landeni pa lwa kwa Yehova Kuli Bambi: Ilyo tubomba na bantu cila bushiku—pa ncito, mu masukulu, na balupwa abashasumina—cilingile ukulamoneka fye ukuti ico twabikapo amano mu bumi caba kucitilo bunte pa lwa kwa Yehova. Mu cifulo ca kukantaikwa ne milandile yakaluka kabili iyakalabana iya ici calo, ukulanda kwesu kulingile ukusumbula Lesa. Cila bushiku, ponse apo twashukila akashita, landeni kuli bambi pa lwa mbila nsuma intu atutuma ukuti tushimikile.—Imil. 5:42; Kol. 4:6.

⁵ Pamo nga bakapepa ba cine aba kwa Yehova, shi lyonse natuleibukila ukushukila inshita sha kulanda pa lwa kwa Lesa wesu uushingalinganishiwako, Yehova.—Ilu. 106:47.