AKABOKOSHI KA KUTWAFWA UKUSAMBILILA 21A

Impanga Iyo Mufwile Ukupaatulako

Natukonke Esekiele ilyo alemona impanga iyo Yehova apaatulako. Iyi mpanga ikwete ifiputulwa 5. Fiputulwa nshi ifi fine? Kabili mulimo nshi fyakwata?

Mapu iilelanga impanga iyo Yehova apaatwileko iyo baleita ukuti impanga iyo bapeele na mapu iili mu kati ilelanga incende iyali mu kati iyakwete imbali 4 ishalingana iyalepele imikono 25,000, (amakilomita 13) ukufuma ku kapinda ka ku kuso ukuyafika ku kapinda ka ku kulyo. Iyi mpanga baita ukuti impanga yonse iyo bapeele Yehova kabili baliyakanya mu fiputulwa fitatu, iciputulwa ca pa muulu, ica pa kati icikwete itempele, ne ciputulwa ca pe samba icikwete umusumba beta ukuti ‘Yehova E mo Aba.’

“Impanga” ya Kupeela

Ni mpanga ya buteko kabili baita no kuti iciputulwa ca mpanga ica butungulushi.

ESEK. 48:8

‘Impanga Yonse Iyo Bapeele Yehova’

Iyi ni mpanga ya bashimapepo, abena Lebi e lyo ne ya kukuulapo umusumba. Na kabili aba mu mikowa yonse 12 baleisa muli iyi ncende mu kupepa Yehova na mu kutungilila abaletungulula.

ESEK. 48:20

“Impanga ya Ntungulushi”

“Iyi e ikaba impanga ya iko mu Israele.” “Ikaba ya ntungulushi.”

ESEK. 45:7, 8; 48:21, 22

‘Impanga ya Mushilo iyo Mukapeela’

Iyi impanga baita no kuti “incende ya mushilo.” Iciputulwa ca pa muulu ca “bena Lebi.” Iyi “ni mpanga ya mushilo.” Iciputulwa ca pa kati ni “mpanga iyo mukapeela bashimapepo.” Muli iyi mpanga “e mo bakakuula amayanda yabo, kabili ikaba incende ya mushilo,” nelyo e mukaba itempele.

ESEK. 45:1-5; 48:9-14

“Impanga Iikashalako”

“Ikaba ni mpanga ya ba mu ng’anda ya kwa Israele bonse” kabili “ikaba ni mpanga ya musumba iyo bakalabomfya ku fintu fimbi, bakalakuulamo amayanda kabili ikaba ni mpanga ya mulemfwe.”

ESEK. 45:6; 48:15-19

Bweleleni ku cipandwa 21, paragrafu 3