Wasmai Barakas ro Allah Knam Saswar

• Wamander kaku fa ­wakenem ro supswan mboi mamun noḇa, roi ḇeḇarḇor noḇa, ma rakrok noḇa ke?

• Wamarisen mam dafduf, kandera, ma marmar naisya wer ḇa ke?

• Wamarisen ras oso na waḇoryae ma wamgakwarek wer ḇa ke?

• Wamewer roi ḇemun myun moḇ ḇarek ro na ke?

Manseren Allah iswar ko, inja ifrur supswan ḇepduk kaku ine fa koḇarek ro na. Doḇe na ḇyuk kankenem ḇefo marasrisen ma payamyum isof fyoro faro snonggaku koine. Inema mafafu monda risya ḇa.

Ro fawar ḇerama ine, nggor Au fa kwara roi nane:

• Moḇsa kofawi Sinan ḇefrur konya iswar kaku ko rai?

• Rosai Manseren Allah anun Ḇyena faro ko?

• Rosai Allah nabi Ḇyesya sikofen ḇekur roi ḇepyum Manseren Allah ifrur kwar ma nari ifrur wer ḇe ko?

• Rosai na kofrur kaku insama kokenem kuker payamyum ro ­fafisu ine ma ras ḇarpon naiwama?

Rwama kawos ḇepon roi ḇefrur fa kokyar ­Manseren Allah ima iswar kaku ko.