Koḇekir Syadi Ro Ḇaḇeḇaryas Koḇena​—Koḇukifarkor kuker Vidio

FANDUN YA:

Vidio-vidio nane na nadif snemun snonkaku sya. Snar rosai smam ma srower na nḇas swaruser ma nakain fyoro ro swaruser sena. Ine nafnoḇek si insama siryaḇ pdef fa sfarkor Refoya. Yahwe ḇyuk farari ḇepyum kaku fa ḇyuki farkor kuker roi komamna.​—Kis 10:9-16; Why 1:1.

Vidio Allah Nya Snonsnon Ke?, Siapakah Pengarang Alkitab?, ma Rosai Ḇefnai fa Kokyar Rosai ḇero Refo Ima Nkaku? ḇeḇewarpu farkarkor ḇeḇe 2 ma 3 ro syap Ankankinem Ḇeḇye. Vidio Rosai Ḇefnai Fa Farkor Refo ya?, Imnis Rariso Farkarkor Refo Inkobena?, ma Rosai Sifrurna ro Balai Karajan? nḇuk ananun ḇe ḇefarkor Refo kuker ko sya fa sakso ro fananjur ro sidang ya. Vidio ḇekwan ḇeḇeso bisa fa koḇukna ro farkarkor Refo.​—km-IN 5/13 3

NYAN YA:

• Download ḇepon vidio wamarisen fa wafasna faro ḇena rumya

• Wafasos fakfuken rioser ḇaido suru fa wafuken ḇe ḇena rum ya nari neḇekarem ro vidio

• Mumam kayam vidio ya

• Muwawos ḇar ḇefandun kaku

WAFRURPAN:

• Mam ro ram ḇepupes ro syapram koḇena, ma kurfasna ḇe kode ḇefara ḇe vidio Rosai ḇefnai fa Farkor Refo ya?

• Fasna vidio Rosai Ḇefnai fa Kokyar Rosai ḇero Refo Ima Nkaku? ma buk syap Ankankinem Ḇeḇye, ma fasna farkarkor ḇeḇe 3