Fasnai Vidio fa Buk Farkarkor

Buk vidio, sonin, ma peta fa bukifarkor i ido nari nafrur fa imarisen ḇeri ma nafnoḇek i fa ifawi pyum ma iswarepen rosai fyarkor na. Guru Ḇeba Syadi koḇedi, Yahwe I, ḇyuk roi nane kam rofyor ikofenḇair roi ḇefandun na. (Kej 15:5; Yer 18:1-6) Yesus dakfrur rarirya kako. (Mat 18:2-6; 22:19-21) Vidio iso roi oso ḇesrow kaku fa koḇuk farkarkor. Ausya buk vidio rofyor farkin farkarkor Refo ke?

Sfasos vidio risamfur fa koḇuk na rofyor kofarkin farkarkor Refo kuker syap Ankankinem Ḇeḇye Ḇerama ro Allah! Judul oser-oser kyur ḇeri ḇe fakfuken oso ḇepaisem syadi ro syap ani. Syap digital ḇesae ro jw.org ido, sfasos link ro na fa koḇas vidio anya oser-oser. Ono wer ido, vidio-vidio ḇesena naisya ro syap farkarkor ḇero Roi fa Koḇukifarkor.

Rofyor wawos farkarkor Refo ḇesamswen ma ḇepyan ḇa faro ḇefarkor Refo kuker Au ani ḇaido isya ismai roi ḇedwarek ido, swewar vidio ḇesrow faro fandun ḇyena ro jw.org® ma JW Broadcasting® na. Mumam kayam ma muyawos vidio anya insama ismai fainda ro na.

Ro paik ḇe paik, vidio ḇebabo naisya. Rofyor mam vidio-vidio anya, kwarapan moḇsariso bukifarkor snonkaku ḇesesya.