Nyan fa Koḇukifyarkor kuker Syap Rosai Refo Fyarkor Ḇeko?

Syap Refo Fyarkor imnis fanam kuker syap Alkitab Ajarkan. Syap risuru suine suser farkarkor-farkarkor napnapes ḇemnis ma fainda oser. Ḇape, wos ḇero syap Refo Fyarkor ima napyan syadi. Syap ine sifrurna faro snonkaku ḇena samswen fa ḇefawi mnis syap Alkitab Ajarkan ya. Syap Refo Fyarkor ine naser apendiks ḇa, ḇape naser fasfas ḇepupes. Fasfas ḇepupes ine fyasnaḇair wos ma farkarkor ḇeḇeso ḇero fasal-fasal na kuker nyan ḇepyandam. Fasal-fasal ḇyena naser fakfuken ḇerandak ḇa ḇaido kotak fa smam kaḇer farkarkor ḇyena nasyaḇa. Imbape, ro pupes fasal oser-oser, naser knam ro farkarkor napnapes ro Refo neḇeyawos ro fasal-fasal anna. Raris syap Alkitab Ajarkan, syap Refo Fyarkor bisa koḇukna ḇe snonkaku sya ro ḇaḇeḇaryas ro fafisu sairirya kam. Ro paik-paik sap kwar fa koḇuk syap ḇesena faro snonkaku sya, bisa fa koḇaryas kuker syap ine kako. Rariso koḇuk ḇar-ḇar ḇepyum ro syap Refo Fyarkor rofyor kofrur farkarkor Refoya rai?

KNAM RO FARKARKOR: Faro snonkaku ḇebor ḇefarkor Refo sya, nyan koḇuk farkarkor kuker kowasya paragraf ro syap Alkitab Ajarkan ma koḇuk fakfuken ima ipyum kwar. Imbape, ḇefarkor sino sisya sifawi mnis wos ḇero moḇya ḇaido sifawi siwasya pyum ḇa. Rarirya ido, bisa fa buk syap Refo Fyarkor. Ramnai buk knam ro farkarkor ḇero fasal ani fa mufarkorna ma wanun ḇe i fa iwasya monda paragraf anna ro mankundi. Napnapes ḇero Refo oser-oser, bisa mufarkorna ro swaf menit ri 15. Knam ro farkarkor ine dawos farkarkor nabor ḇero fasal ya ḇa. Inja, fandun fa fasos pyum kaku ma waswarepen fandandun ro ḇefarkor ya. Mboi fyor buk farkarkor kuker fasal-fasal raris moḇ koḇuk farkarkor ndraya ido, bisa fa buk knam ro farkarkor fa mam kaḇer farkarkor ani.

FASFAS ḆEPUPES: Wos ma farkarkor ro fasfas ḇepupes sisyosna imnis kuker syos ḇero fasal-fasal na. Ḇeḇuk farkarkor ya bisa kyinfir fa suyawos fasfas ḇepupes ro syap Refo Fyarkor rofyor farkarkor ya imbran kaker ke roḇa.