Fasos Au Kwar Ke?

Rofyor rim ḇeba myun ro sup bedi ido, fasos Au kwar ke? Tatawai, wamdoḇer, faḇruḇ, ma supyado nananem ndrama nafrur kanandor ko ma nmun rosairirya kam. Osower ido, teroris sya, mamamun, ma dafduf ḇefarpampam naisya ro moḇ nakame ma nejadi fafisu risai monda. (Pkh 9:11) Roi ḇeḇesya nane bisa nkur ko.

Kokame fandun fa kofasos ko faro rim ḇeba nari ḇekur ko na. (Ams 22:3) Yahwe organisasi Ḇyedi ḇyuk fafnoḇek kofandun na fyor rim ḇeba myun. Mboi, kokam kona fakamaman fa kofasos mankunko faro rim ḇeba na ḇemun ya.​—Gal 6:5.

MAM VIDIO FASOS AU KWAR RO RIM ḆEBA YA KE? RAMNAI KWAREM FAKFUKEN ḆEUSER NANE:

• 

  Rosai kofrur insama fasfesepen ḇefanam koḇena kuker Yahwe nafnoḇek ko fyor rim ḇeba?

• 

  Rosai ḇefnai fa . . .

  • • kawos ker kuker penatua sya fyor rim ḇeba ya ḇaim, myun kaker ma fyor imnai kwar?

  • • kofasos roiebor ḇefandun na?​—g17.5-IN 6

  • • kawos rim ḇeba risai imbude na ḇeḇejadi ya ma rosai kofrur ro fafisu ḇerarirya?

• 

  Roi rikyor risai kofrur ya fa kofnoḇek snonkaku ḇese ḇesmai rim ḇeba sya?