Fasos Au Kwar faro Mamamun Ke?

Snar papupes ro dunya ine fyanam kwar, inja mamamun ḇaido sup ya ḇyenapnap, teroris, ma mamun nabor syadi. (Why 6:4) Rariso kofasos ko faro roi ḇedwarek nari ḇerama ro ras iyama?

• Fasos fa nwa wis ḇepyum kuker Yahwe: Farkor wos farkin ḇero Refo ma farfyar ḇero Refo na ḇesambraḇser kakyar bena faro Yahwe ma organisasi Ḇyedi ma ḇefnoḇek pdef au fa wawaira oso ḇa. (Ams 12:5; jr-IN 125-126 ¶23-24) Kirine iso swaf fa wasambraḇser ḇaḇebati bena kuker naek srar ro sidang.​—1Ptr 4:7, 8

• Fasos fandun ro rasras na: Fandun fa mam insama ausya pdef ro rum ma roi ebor wafandun na nasya kwar. Fasos au kako faro moḇ risai na rwa roya. Mamuser roiebor ḇefandun ro tas darurat bedi, imnis ra sarung tangan, masker ma pipi. Mam insama wakram penatua nomor hp sena, ma si kako sakna nomor telfon bedi insama napyan fa setelfon au.​—Yes 32:2; g17.5-IN 3-7

Fyor rim ḇeba myun kaker, ro ras ḇe ras ḇeari ḇe Yahwe, raris benadi, farkor Refo ma waso fananjur. (Flp 1:10) Swewar moḇ ḇepyum fa kwadaunwarek au. (Mat 10:16) Warwas roḇean ma roi ḇesena ḇe snonggaku ḇesesya.​—Rm 12:13.

MAM VIDIO FASOS AU KWAR RO RIM ḆEBA YA KE? RAMNAI KWAREM FAKFUKEN-FAKFUKEN NANE:

• Moḇsa Yahwe ifnoḇek ko fafisu rim ḇeba ya myun?

• Nyan risai monda kofrur insama kofasos ko?

• Moḇsa kofnoḇek snonggaku ḇese ḇesmai kako rim ḇeba sya?