Mgofasos Mgo Pdef faro Mun Pupes ro ’Ras Ḇepupesna’

Kofarmku isof mun pupes ro ”ras ḇepupesna” ima samswen ḇeba kaku rirya. (2Tim 3:1; keterangan tambahan nwtsty faro Mat 24:8) Fyor rim ḇeba ya, Yahwe kawasa Ḇyesi sismai akurfasnai ker ḇerama ro fafisu ḇesrow ma nfaspar kankenem sena. Kankenem koḇena ras nayama ndrama ro soasuser koḇena ro kirine, isoine kofasos ko fa kona wis ḇepyum kuker Yahwe I ma fandun ro rasras na.​—Luk 16:10.

• Fasos fa nwa wis ḇepyum kuker Yahwe: Wawasya Refo ma wafarkor myaren ḇesya kwar. Wabaryas kuker nyan ḇebor na. Fafisu oso wasrow kuker naek srar ro sidang sya ḇa ido, wamgak awer. (Yes 30:15) Snar Yahwe ma Yesus na subur au ḇa.​—od-IN 176 ¶15-17

• Fasos fandun ro rasras na: Rupa ra, kina oser-oser sfasos tas darurat ḇeser roiebor ḇefandun na. Sna kako roḇean, ware, obat-obat na, ma fandun ḇesena fa nggadaunwarek si ro rum sena.​—Ams 22:3; g17.5-IN 4, 6

MAM VIDIO FASOS AU KWAR RO RIM ḆEBA YA KE? RAMNAI KWAREM FAKFUKEN-FAKFUKEN NANE:

• Rosai kofrur insama wis koḇena kuker Yahwe ipyum pdef fyor rim ḇeba ya?

• Rosai ḇefnai fandun fa . . .

  • kawos ker kuker penatua sya?

  • kofasos roiebor ḇefandun na?

  • kawos rim ḇeba risai imbude na ḇeḇejadi ya ma rosai kofrur ro fafisu ḇerarirya?

• Roi rikyor risai kofrur ya fa kofnoḇek snonggaku ḇese ḇesmai rim ḇeba sya?

WAFUKEN MANGGUNDAW, ’Farkarkor risai yun roro fasasos nane ḇebuk farkarkor ḇe aya faro dafduf COVID-19 ine?’