Kosmai Fanfnoḇek ro Naek Srar Koḇesi

Yahwe byuk ”naek srar Kristen kam” fa sifnoḇek ko. (1Ptr 5:9) Na sifnoḇek ko fa kofrur mnis samswen sarirya kosmai ro fararmyan koḇena. Randak iwara, Manwawan Paulus i kako ismai fafnoḇek ro Akwila ma Priskila, Silas, Timotius, ma ḇesesya.​—Kis 18:1-5.

Moḇsa naek srar sifnoḇek Au ro ḇaḇebaryas ya rai? Bisa sbuk anun ḇe Au moḇsa kwarem wos sampampum ro snonggaku baryas sya, nyan wafrur rarama kaḇer ya, ḇaido nyan buk ma farkin farkarkor Refo ya. Kwarapan mansei ro sidang Bedi bisa ḇefnoḇek Au, ramnai wor fafnoḇek ro i. Nari mgosmai payamyum ma raryaḇ.​—Flp 1:25.

MAM VIDIO DRAMA WARYAḆ FA WAFRUR MANFAMYAN—WUN FAFNOḆEK RO YAHWE I—NAEK SRAR KOḆESI, RAMNAI KWAREM FAKFUKEN-FAKFUKEN NANE:

• Rosai monda Nita ifrur insama Jasmin imarisen dakso fananjur na?

• Rosai ḇefnai fandun fa kor manbaryas ḇesesya sakso ko fyor kofarkin farkarkor Refo?

• Rosai Jasmin ma Abigail sukam sumarisen ya?

• Rariso naek srar bisa sifnoḇek Au fa ḇekir syadi ro fararmyan rai?