Kofnoḇek Ḇefarkor Refo kuker Ko fa Sakso Fananjur Ari ya

Fananjur ari ima roi ḇefandun kaku ro samsyom ḇekaku ya. (Mz 22:22) Ḇesyom Yahwe ro fananjur ari sismai marasrisen kaku ma sifawi sismai barakas. (Mz 65:4) Ḇefarkor Refo ya iso ker fananjur ari ido, nari fasaw fa wis ḇyena kuker Yahwe I syambraḇ.

Moḇsa na wafnoḇek ḇefarkor Refo kuker Au fa dakso fananjur ari ya? Wor ker i fa dakso fananjur, fasnai vidio Rosai Sifrur ro Balai Karajan?, ma fawar ḇe i payamyum rosai na ismai ro fananjur anya. (lff farkarkor 10) Oso wer ido, wakofenḇair farkarkor ḇepyum wasmai ro fananjur anya yoḇ i. Ḇaido wakofenḇair ḇe i farkarkor nari sawos ro fananjur ḇerama ya. Buk syap nari sepake ro fananjur na ḇe i, ḇaido fasnai bar ”Perhimpunan” ḇero JW Library yoḇ i. Wafuken i rosai fyandun na insama dakso fananjur ya. Rupa ra bisa wun pyan i ḇe fananjur anya ke roḇa. Mam dakso fananjur ya kwar ido, nari wamarisen kaku kukro roi wafrur na nun bon ḇepyum.​—1Kor 14:24, 25.

MAM VIDIO WASARAMPER ḆEFARKOR REFO KUKER AU FA SISO FANANJUR ARI, RAIMNAI KWAREM FAKFUKEN-FAKFUKEN NANE:

• 

  Fakfuken rosai Jasmine ifuken inja Nita kyara ima swaf ḇepyum fa dor Jasmine i fa dakso fananjur ya?

• 

  Rosai ḇefnai fa na komarisen kaku komam ḇefarkor kuker ko dakso fananjur ya?

• 

  Rosai Jasmine ḇyaḇir fafisu dakso fananjur ari ya?