Nyan fa Koḇuk Siapa yang Melakukan Kehendak Yehuwa Dewasa Ini?

Brosur Siapa yang Melakukan Kehendak Yehuwa Dewasa Ini? sifrurna fa koḇukiawawos kuker ḇefarkor Refo ro randak ḇaido papupes farkarkor ya oser-oser.a Farkarkor 1 isof 4 ikofenḇair ḇe ḇefarkor Refo fa sifawi koine ḇe raryur kawasa oso, farkarkor 5 isof 14 nafnoḇek si fa sifawi fararur koḇena, ma farkarkor 15 isof 28 fyasnaiḇair faro si rosai organisasi koḇedi ifrurna. Fandun fa komam ḇefarkor ya fandandun ḇyedi, mboi oroḇa ido ipyumya koḇukifarkor imnis kuker syos-syos ḇyena. Farkarkor oser-oser naisya ro ram oser monda ma bisa kawosna kuker ḇefarkor Refoya ro swaf menit ririm isof ro samfur.

• 

  Kofarkin i fa myam fakfuken ḇero judul farkarkor ya

• Kowasya kayam farkarkor ya, nakame ḇaido kermkun ḇe kermkun monda

• Kawawos rosai kowasya kwar na. Koḇuk fakfuken-fakfuken ro ram ḇero sopya ma soninram na. Mam mboi fandun ido wawasya ma wawos mnuk ḇeḇefas na. Wakofenḇair judul kasun sfas kuker fasfas ḇepaisem syadi iso nari ḇekarem judul ḇero fakfuken anna

• Rofyor kotak ”Cari Tahu Lebih Banyak” isya ido, wasya kayam ma wanun ḇe ḇefarkor ya insama iso mnis anun ḇyena