Miting Blong Halpem Yumi Blong Mekem Disaepol

WIK WE I STAT LONG DISEMBA 3

Sing 143.

10 menet: Lokol mesej. Ridim ol advaes blong Kingdom Wok we oli stret long kongregesen. Lukluk ol haf blong ol magasin mo talemaot long ol pablisa ol gudfala poen we oli save yusum taem oli go prij long en blong wik.

20 menet: “Yumi Yusum Bakegen Laef Foreva Buk.”​—⁠Toktok wetem kwestin mo ansa. Askem long 2 pablisa blong oli rere long wan pleplei. Bambae tufala i yusum nyufala stampa tok blong prij.

15 menet: Mekem wan tok we i stret long ol samting we kongregesen i nidim, no mekem wan tok long Wajtaoa (Engglis no Franis) blong Novemba 1, 1990, “Yumi Gohed Nomo Blong Stretem Laef Blong Yumi.”

Sing 106 mo laswan prea.

WIK WE I STAT LONG DISEMBA 10

Sing 97.

10 menet: Lokol mesej. Ridim ripot blong ol kaon. Talem tangkyu long kongregesen from ol presen mane we Sosaete i kasem. Talem long olgeta we i stap se oli mekem i gud from we oli yusum “ol sas samting blong olgeta we oli no stret” long gudfala rod. (Luk 16:​9, NW; ad, pej 1304, kol. 2.)

20 menet: “Yumi Mekem Gudfala Stadi Long Famle”​—⁠Mekem tok ya wetem kwestin mo ansa. Sipos yu gat inaf taem, yu save askem long wan no tu memba blong kongregesen we i gat pikinini se olgeta oli mekem wanem blong gat gudfala Baebol-stadi long famle mo blong ol famle oli glad nomo taem oli joen tugeta long stadi ya.

15 menet: ?Yu Yu Mekem i Isi Blong Toktok Long Famle? Wan elda i tokbaot 2 no 3 rul we i stap long japta 11 blong Famle buk. Mekemrere sam pleplei we oli sot. Ol pleplei ya oli stanap long ol haf 5 kasem 8. Wan i soemaot olsem wanem ol papa mama oli save givhan long wan yangfala blong hem i toktok. Narafala pleplei i soemaot olsem wanem papa mo mama i blokem pikinini, nao i no wantem toktok.

Sing 221 mo laswan prea.

WIK WE I STAT LONG DISEMBA 17

Sing 92.

10 menet: Lokol mesej. Ansa Long Wan Kwestin. Sipos i gat naf taem, ridim ol Tiokratik Nyus.

15 menet: “Talemaot Gud Nyus: Long Taem Blong Ol Lafet”​—⁠Toktok wetem kwestin mo ansa. Talemaot ol miting blong prij we ol elda oli putumap long taem blong spel.

20 menet: Elda blong lukaot long wok blong prij i mekem toktok wetem sam haftaem paenia. ?Wanem i pusum olgeta blong oli mekem wok ya? ?Olsem wanem olgeta mo famle oli mekrere fastaem blong oli save spenem 60 haoa long wok blong prij? ?Olsem wanem ol famle oli sapotem olgeta long wok ya? ?Wanem blesing oli kasem? Makem gud poen ya long kongregesen: Olgeta we oli mekem paenia oli glad oltaem. Leftemap tingting blong ol pablisa blong oli halpem ol paenia long taem blong spel mo long manis Janewari.

Sing 28 mo laswan prea.

WIK WE I STAT LONG DISEMBA 24

Sing 180.

10 menet: Lokol mesej. Leftemap tingting blong evriwan blong prij long taem blong ol lafet. Tokbaot ol haf blong ol magasin we ol pablisa oli save yusum long dei blong seremaot ol magasin.

20 menet: “Jeova i Stap Tijim Yumi”​—⁠Brata we i lukaot long Tiokratik Skul i mekem tok wetem olgeta we i stap long miting. Mekem toktok wetem wan gudfala studen mo talemaot ol blesing we hem i stap kasem from we hem i rere gud fastaem mo hem i traehad blong folem ol advaes we hem i kasem long Tiokratik Skul.

15 menet: Mekem wan tok we i stret long ol samting we kongregesen i nidim, no givim wan tok long Wajtaoa (Engglis no Franis) blong Novemba 15, 1990, “Yumi Prea Blong Givgivhan Long Yumi.”

Sing 48 mo laswan prea.