Miting Blong Halpem Yumi Blong Mekem Disaepol
WIK WE I STAT LONG DESEMBA 31
Sing 28.
10 menet: Lokol mesej mo ol advaes blong Kingdom Wok we oli stret long kongregesen. Talem wanem buk bambae yumi givimaot long manis Janewari. Talemaot sam fas tok we oli stret wetem Stampa Tok Blong Prij.
15 menet: Wan tok long ol samting we kongregesen i nidim.
20 menet: “Yumi Statem Sam Stadi Wetem Laef Foreva Buk”—Wan tok wetem kwestin mo ansa. Long ol haf 4 mo 5, askem long sam pablisa we oli nafgud blong mekem wan no tu plei.
Sing 49 mo laswan prea.
WIK WE I STAT LONG JANEWARI 7
Sing 43.
10 menet: Lokol mesej. Toktok smoltaem long sam poen blong ol magasin we ol pablisa oli save yusum long wok blong prij long wik ya.
15 menet: “Yufala i No Kam Slak”—Toktok long ol big poen blong haf ya. Long haf 3, askem long ol brata sista blong oli givim sam advaes we oli wok. Askem wan pablisa we i naf blong hem i mekem wan plei mo i givimaot buk blong manis. Hem i save folem fasin blong haf 5. Pulum ol pablisa blong oli prij strong mo oli no kam slak no les from ol man we i no intres mo ol man we i agensem trutok.
20 menet: ?Olsem Wanem Blong Stap Strong? Askem kwestin long sam man blong soemaot olsem wanem blong stap strong mo no kam slak. (1) Askem kwestin long tu no tri pablisa we oli stap long trutok longtaem finis, mo oli soemaot gudfala rod long ol narafala pablisa. ?Olgeta oli agensem mo oli winim wanem samting we i traem blokem olgeta long wok blong prij? ?Wanem samting i givhan long olgeta blong no kam slak? (Oli save tokbaot prea, fasin blong kam long ol miting oltaem, stadi we oli mekem wanwan, ol gudfala tok we ol pablisa oli talem long ol blong leftemap tingting blong ol, . . .) ?Oli stap mekem wanem blong no go slou tumas mo blong no lego? (Oli save talem from wanem i impoten blong kam oltaem long ol miting, blong tinghae oltaem long stadi we oli mekem wanwan, blong laekem kam kolosap long God, mo sam samting olsem bakegen.) ?Olsem wanem oli stap strong long olgeta fasin blong olgeta? (Oli save talem se: Ol elda no sam narafala oli halpem olgeta. Oli putum ol wok blong speret long fas ples long laef blong olgeta. Oli prea. . . .) (2) Askem kwestin long sam pikinini we oli pablisa mo oli prij evri manis mo oli soemaot gudfala rod. ?Wanem samting i givhan long olgeta blong prij evri manis? ?Olsem wanem papa mama blong olgeta i givhan long olgeta? ?Ol narafala pablisa oli stap enkarajem olgeta mo oli givhan long olgeta long wok blong prij? ?Oli wantem kasem wanem mak long wok blong Jeova? Blong finisim tok ya, talem bakegen ol bigfala poen we oli kamaot long hem.
Sing 10 mo laswan prea.
WIK WE I STAT LONG JANEWARI 14
Sing 121.
10 menet: Lokol mesej. Ripot long ol kaon mo tangkyu from ol presen mane. Talem sam gud tok long kongregesen from we hem i stap givhan long wok we oli mekem long ful wol. Talem long ol brata sista se oli mas karem Indeks blong 1986-1988 long nekiswan Miting Blong Kingdom Wok.
20 menet: Kad Blong Ol Dokta Mo Aedentiti Kad. Sekretari i talem long sam brata blong oli seremaot ol kad. Hem i tokbaot ol haf 1, 2, 4 kasem 7, 9 mo 10 blong leta we Sosaete i raetem long Janewari 1, 1990. Talem long ol brata blong wanem yumi mas folem stret ol rul ya, sipos yumi wantem we ol kad ya oli rili protektem yumi. Ol elda oli save lukaot long bisnes ya biaen long miting, olsem we oli mekem las yia. Yufala i no mas wet blong fulumap ol kad, mo blong mekem ol man oli saen long hem.
15 menet: Wan elda we i gat ekspiryens i mekem wan tok we i stret long ol samting we kongregesen i nidim.
Sing 108 mo laswan prea.
WIK WE I STAT LONG JANEWARI 21
Sing 140.
10 menet: Lokol mesej. Tiokratik Nyus. Talemaot ol miting blong wok blong prij long en blong wik. Talem wanem haf blong ol laswan magasin we ol man oli save intres moa long olgeta long ples blong yufala. Talem long evriwan blong bambae oli karem wan traket Nyufala Laef Blong Pis long nekis Miting Blong Kingdom Wok.
20 menet: “Yumi Yusum ol Indeks Blong Mekem Minista Wok Blong Yumi.”—Wan elda i mekem tok ya mo i askem sam kwestin long ol brata sista. Wan elda mo wan man blong givhan oli mekem wan plei blong soemaot olsem wanem blong yusum ol Indeks blong mekem rere wan visit long wan brata blong kongregesen. Talem olsem wanem yumi save tijim ol pablisa blong oli save yusum ol Indeks blong lanem plante samting moa taem oli stap ridim Baebol evri wik.
15 menet: Ol Wok Blong Brata We i Lukaot Long Ol Buk. Elda blong lukaot long wok blong prij i askem sam kwestin long brata we i lukaot long ol buk. Hem i talem olgeta wok we brata ya i mas mekem. Hem i soemaot ol samting we i save halpem brata ya taem hem i stap seremaot ol buk bifo mo afta ol miting blong kongregesen.
Sing 74 mo laswan prea.
WIK WE I STAT LONG JANEWARI 28
Sing 151.
8 menet: Lokol mesej.
22 menet: “Talemaot Gud Nyus: Wetem Ol Traket Mo Ol Pepa Blong Singaot Ol Man.”—Toktok wetem kwestin mo ansa. Sam man oli save ridim ol vas. Biaen long haf 7, wan paenia no wan pablisa we i gat ekspiryens i mekem wan plei. Hem i soemaot fasin blong statem wan Baebol-stadi long wan visit wetem wan traket Laef Blong Pis Blong Nyufala Wol. Pulum ol pablisa blong oli mekem i sem mak long ol visit blong olgeta. Sipos oli no faenem wan visit kwiktaem, i gud tumas blong yusum traket ya taem oli faenem hem. Askem long sam pablisa we oli rere finis, wanem gudfala frut oli kasem taem oli folem rod ya.
15 menet: ?Bambae Yu Yu Haftaem Paenia Long Epril? Wan brata we i ekspiryens long wok blong fultaem no haftaem paenia i mekem wan toktok we i gat gudfala filing long hem. Askem kwestin long sam pablisa we oli mekem haftaem paenia finis. ?Olsem wanem oli stretem ol wok blong olgeta blong oli save mekem ol haoa we ol haftaem paenia oli mas mekem? Soemaot ol samting we oli mekem mo we oli rili halpem olgeta. Taem blong Memoriol i stap kam kolosap. Taswe pulum ol pablisa we oli glad blong mekem haftaem paenia blong oli toktok long kwestin ya wetem wan elda. Sipos ol pablisa oli soemaot we oli glad from wok ya naoia, bambae oli kasem frut long hem. Wok ya i save pulum samfala blong oli kam fultaem paenia. (km 2/90 p. 3) Presiden elda mo sekretari oli save givim ol pepa blong paenia.
Sing 113 mo laswan prea.