Miting Blong Halpem Yumi Blong Mekem Disaepol
WIK WE I STAT LONG FEBUWARI 4
Sing 92.
10 menet: Lokol mesej mo ol advaes blong Kingdom Wok we i stret long kongregesen. Sipos i gat taem, soemaot sam wei blong seremaot ol laswan magasin long teritori. Enkarajem ol pablisa blong oli prij long wiken ya.
15 menet: “Yumi Strong Blong Talem ‘Yu kam.’ ”—Toktok wetem kwestin mo ansa. Lukluk long ol big poen blong Kingdom Wok mo makem fasin blong mekem vas blong yia, Revelesen 22:17, i wok long laef blong yumi. Mekem 2 sot pleplei blong soemaot sam fasin blong givimaot buk blong manis long teritori.
10 mn: “Mekem Singsing Long Jeova”—Mekem wan tok we i stanap long haf ya. Yusum ol sing we i stap long program long naet ya blong eksplenem ol poen blong tok ya.
10 mn: Wan tok long ol samting we kongregesen i nidim, no long Wajtaoa (Engglis no Franis) blong Oktoba 15, 1990, long ol pej 26 kasem 29, “?From Wanem Yumi Mas Folem Stret Fasin?”
Sing 190 mo laswan prea.
WIK WE I STAT LONG FEBUWARI 11
Sing 43.
10 menet: Lokol mesej. Ripot blong ol kaon. Ridim leta we Sosaete i sanem blong talem tangkyu long ol presen mane we hem i kasem.
20 menet: “Talemaot Gud Nyus: Yumi Yusum Olkaen Rod Blong Prij”—Toktok wetem kwestin mo ansa. Rerem 2 no 3 pleplei blong soemaot sam wei blong tekem wan jans blong prij.
15 menet: Wokem wan program blong mekem haftaem paenia long taem blong Memoriol. Tok ya i givim plante gudfala advaes long olgeta we oli gat plan blong mekem haftaem paenia long manis Maj no Epril, no maet long tufala manis ya. Tokbaot ol Advaes blong Kingdom Wok we oli stret long wok blong haftaem paenia. Talemaot ol samting we kongregesen mo ol pablisa oli save mekem blong givhan long olgeta we oli mekem paenia long taem blong Memoriol mo blong leftemap tingting blong ol. Rerem ol pepa blong haftaem paenia we ol pablisa oli save askem long en blong miting. Talem se i gat 5 ful wiken long manis Maj mo mekem tingting blong evriwan i strong blong singaot ol man i kam long Memoriol long Maj 30 mo long spesel pablik tok long Epril 7.
Sing 14 mo laswan prea.
WIK WE I STAT LONG FEBUWARI 18
Sing 151.
10 menet: Lokol mesej. Ansa long wan kwestin. Talem bakegen long evri pablisa from wanem i impoten we oli save stret nem blong kongregesen blong ol mo nem blong ol elda. Leftemap tingting blong ol blong oli prij moa long en blong wik, maet yu save talemaot ol nambawan poen we i stap long ol laswan magasin mo oli stret gud long wan toktok.
15 menet: “Ol Wetnes Blong Jeova Oli Mas Mekem Kingdom Wok”—Wan gudfala tija i tokbaot haf ya. Hem i mekem wan pleplei blong soemaot olsem wanem yumi save mekem minista wok blong yumi i gudwan moa.
20 menet: Yumi Joen Long Ol Man We Oli Glad Olbaot Long Wol Mo Yumi Singaot “Yu Kam.”—Wan tok, sam kwestin, mo sam store we oli kamaot long ol faswan pej blong Wajtaoa (Engglis no Franis) blong Janewari 1, 1991. Brata we i mekem tok ya i mas glad blong leftemap tingting blong ol brata sista long ol tok blong Wajtaoa ya. Hem i askem kwestin long sam pablisa blong kongregesen we oli wok strong long wok blong prij mo oli glad tu.
Sing 75 mo laswan prea.
WIK WE I STAT LONG FEBUWARI 25
Sing 197.
10 menet: Lokol mesej mo Tiokratik Nyus. Talemaot sam gudfala rod blong soemaot ol magasin mo biaen, mekem wan pleplei. Pulum ol pablisa blong oli prij long en blong wik.
15 menet: “?Olsem Wanem Jeova i Mekem Wok Blong Hem i Gru?”— Tok i kamaot long Wajtaoa (Engglis no Franis) blong Desemba 1, 1990, ol pej 22-25.
20 menet: Yumi mekrere blong prij long manis Maj. Long manis Maj, bambae yumi seremaot buk Revelation—Its Grand Climax At Hand! Kingdom Wok blong Maj 1989 i bin givim sam nambawan advaes blong seremaot buk ya. Talem bakegen sam advaes we oli save halpem ol pablisa we bambae i prij long en blong wik ya. Mekem wan pleplei blong soemaot fasin blong seremaot buk ya.
Sing 121 mo laswan prea.