Advaes

● Long Mei: Yumi givimaot sabskripsen long Wajtaoa mo Wekap! Jun: Mankind’s Seach for God. Julae mo Ogis: Eniwan long olgeta buklet we oli gat 32 pej.

● Ol Kristin oli no joen long ol bisnes blong wol. Taswe oli no joen long politik. Be oli no blokem ol narafala man we oli wantem joen long wan pati no narafala pati blong politik. (Jon 17:16; Jem. 1:27; 4:4; 1 Jon 2:15) Jisas Kraes i givim eksampel long ol man blong hem. Taem hem i stap long wol, nao ol man oli traem pulum hem blong tekem wan hae ples long politik, hem i no wantem. (Mat. 4:​8-10; Jon 6:15) Taem man i kasem trutok, maet hem i holem wan kad we i makem hem se hem i memba blong wan pati blong politik. Yumi no save talem long man ya se hem i mas sakem kad ya. Be sipos hem i holem kad ya, hem i no stret blong joen long wok blong prij no blong baptaes. Samtaem, blong kasem sam kaen wok, man i mas rejista se hem i naf blong vot. Hem i save rejista, sipos samting ya i no joenem hem wetem wan pati blong politik. Samtaem man i mas rejista blong soemaot nomo se hem i wan sitisen blong kantri ya. Be long taem blong eleksen, ol Kristin oli mas soemaot we oli no joen nating long politik.