Yumi Yusumgud Ol Wajtaoa

Namba blong ol magasin i stap gru oltaem. I stat 110 yia finis, oli prentem 6,000 Wajtaoa evri manis, long Engglis nomo. Be naoia, evri namba, oli stap prentem bitim 15,000,000 long 110 lanwis.

Olgeta we oli stap ridim Wajtaoa long plante yia oli glad taem oli luk hamas magasin oli stap prentem naoia. I klia nomo we Bigfala Tija blong yumi Jeova, hem nao i yusum Wajtaoa blong mekem wan promes blong hem i kamtru. Promes ya i olsem: “!Olgeta we oli stap wet long hem oli save harem gud! . . . Bambae sora blong yu i harem wan tok long baksaed blong yu, i se: ‘Hemia rod ya. Yufala i wokbaot long hem,’ sipos yufala i go long raetsaed, no sipos yufala i go long lefsaed.”​—⁠Aes. 30:​18-21.

!Be naoia, yumi gat wan risen moa blong harem gud! From we i stat long Septemba 1, 1991, bambae Wajtaoa long Bislama i kamaot tu taem long manis. Fas pej mo ol faswan haf blong hem bambae oli sem mak long ol Wajtaoa long Engglis mo Franis. Ol stadi, bambae yumi mekem olgeta fulwan long evri wik long Wajtaoa stadi. Rod ya bambae i mekem we yumi kasem sem kakae blong speret nomo, olsem olgeta we oli ridim Wajtaoa long Engglis mo Franis.

I gud nomo sipos yumi yusum paoa we Jeova i stap givim long yumi blong givimaot Wajtaoa long plante moa man, blong oli save hem. Mo yumi hop se ol man “long evri ples long wol” mo long “olgeta famle blong ol nesen” oli save “tingbaot, blong oli kambak long Jeova.”​—⁠Sam 22:27; Rev. 15:⁠4.