Miting Blong Halpem Yumi Blong Mekem Disaepol
WIK WE I STAT LONG OGIS 5
Singsing 197
10 menet: Lokol mesej mo Advaes blong Kingdom Wok. Talemaot wan no tu rod blong givimaot magasin long teritori blong yufala. Pulum ol pablisa blong go long wok blong prij long wiken ya we i kam. Talemaot ol plan blong spesel dei long wok blong prij long Tasde, Ogis 15. Talemaot long kongregesen se oli mas karem Reasoning buk i kam long miting nekis wik.
20 menet: “Presem Nem Blong God Fulwan.” Ol kwestin mo ansa. Long en blong haf ya, wan pablisa we i rere gud i save mekem wan pleplei olsem wanem blong yumi yusum Stampa Tok Blong Prij. Hem i save jenisim lelebet blong mekem i stret long ples blong yufala. Hem i save talemaot nem blong hem, nao ating hem i save gohed olsem: “Tede mifala i stap storebaot from wanem yumi nidim wan gudfala hop long saed blong fyuja. Oltaem ol lida blong wol oli stap tokbaot ol plan blong olgeta blong mekem wol i kam moa gud. ?Plan blong ol i stanap long wanem? ?Yu yu bilif se ol man oli naf blong mekem wol i kam gud moa? [Wet long ansa.] Profet Jeremaea i talem wan samting long saed ya, long Jeremaea 10:23. [Ridim.] Yumi save gat gudfala hop long saed blong fyuja from wan samting nomo: From we yumi lanem promes blong God, we hem wan i mekem. Promes blong hem i no save lus. Aposol Pita i talem olsem. [Ridim 2 Pita 3:13.] Ol buk ya i tokbaot trufala promes ya blong God.” Nao pablisa i save soemaot wan poen long buk we i joen gud long storeyan blong hem, mo i stret long man blong haos.
15 menet: “Planem Sid Mo Wasem—Tufala Rod Blong Mekem Disaepol.” Storeyan wetem kongregesen long haf 1 kasem 9, long pej 3 long Kingdom Wok ya. Taem yufala i stap storeyan long haf 7 kasem 9, yu save soemaot olsem wanem blong mekem save ya i wok. Yu save askem sam kwestin long sam pablisa we oli mekem samting ya finis. No yu save talem sam lokol eskpiryens we oli stret long ol poen ya. Meksua se ol ekspiryens mo kwestin oli sot mo klia nomo.
Singsing 151 mo laswan prea.
WIK WE I STAT LONG OGIS 12
Singsing 129
10 menet: Lokol mesej mo “Yumi Yusumgud Ol Wajtaoa.” Ridim ol kaon blong kongregesen. Ridim ol leta we Sosaete i sanem blong tangkyu from ol presen mane. Mo tu, talem tangkyu long kongregesen from ol samting we oli givim mo mekem blong lukaot long ol lokol nid. Pulum olgeta blong go long wok blong prij long wiken ya we i kam, mo long ol narafala dei we i gat miting blong prij.
15 menet: “Mekem Wok Blong Prij Wetem Olgeta Sol Blong Yu—Haf 2.” Mekem wan tok blong leftemap tingting blong olgeta long kongregesen, mo yusum ol save we i stap long haf ya. Soemaot olsem wanem blong yusum Reasoning buk. I no gat nid blong mekem sam pleplei, be brata we i mekem haf ya nomo i save soemaot olsem wanem blong faenem mo yusum ol save long Reasoning buk long wok blong prij. Hem i save yusum smol taem blong soemaot from wanem i gud blong mekem sam pleplei long haos bifo yumi go long wok blong prij. Sipos i gat taem, hem i save singaot wan pablisa i kam antap blong eksplenem olsem wanem hem i mekem olsem.
20 menet: “Planem Sid Mo Wasem—Tufala Rod Blong Mekem Disaepol.” Brata i save mekem wan smol fas tok blong joenem save we yumi lanem las wik. Nao hem i save askem ol kwestin long haf 10 kasem 20 long pej 3 mo 4 long Kingdom Wok ya. Ating sam pablisa oli save talemaot olsem wanem oli kam moa gud long wok blong prij mo oli statem sam Baebol stadi, from we oli yusum ol poen we Kingdom Wok i talemaot finis.
Singsing 48 mo laswan prea.
WIK WE I STAT LONG OGIS 19
Singsing 174
10 menet: Lokol mesej. Tiokratik Nyus. Sipos i gat smoltaem i stap, brata i save tokbaot sam poen long ol nyu magasin blong yusum long wok blong prij long wiken we i kam.
20 menet: “Talemaot Gud Nyus—Long Teritori We Yumi Stap Wokem Evritaem.” Ol kwestin mo ansa. Soemaot olsem wanem yufala i save mekem ol samting ya long teritori blong yufala. No yu save jenisim lelebet blong i laenap wetem ol nid blong kongregesen.
15 menet: “Ol Buk Stadi—Haf 2.” Brata we i lukaot long wan buk stadi i mekem wan gudfala tok blong enkarajem kongregesen.
Singsing 75 mo laswan prea.
WIK WE I STAT LONG OGIS 26
Singsing 134
15 menet: Lokol mesej. Talemaot olgeta plan blong kongregesen long saed blong wok blong prij. Mo tokbaot ol samting we kongregesen i stap mekem long wok blong prij blong halpem ol paenia. Storeyan moa long ol nid blong olgeta we bambae oli stat long wok blong paenia long Septemba 1. Pulum ol pablisa blong go long wok blong prij long wiken ya we i kam. Mo pulum tingting blong olgeta bakegen blong karem Famle Hapi buk blong seremaot long wok blong prij long manis Septemba.
15 menet: Tok long ol nid blong kongregesen. Brata ya i save yusum Wekap! (Engglis mo Franis) blong Jun 8, 1991, long saed blong fasin blong mekem tumas toktok.
15 menet: “Yumi Stap Hadwok Blong Mekem Wil Blong God.” Pulum olgeta long kongregesen blong mekem plan naoia blong go long spesel dei asembli long 1992 tiokratik yia.
Singsing 14 mo laswan prea.