Miting Blong Kingdom Wok Blong Septemba
Wik We i Stat Long Septemba 2
Singsing 191
10 menet: Lokol mesej mo Advaes blong Kingdom Wok. Talemaot ol poen long ol nyufala magasin.
20 menet: “Talemaot Gud Nyus—Askem Stret Ol Baebol Stadi.” Toktok wetem kwestin mo ansa. Afta long haf 3 mo 4 mekem wan pleplei blong soemaot olsem wanem blong statem kwik wan Baebol stadi wetem buk ya Famle Hapi mo traket ya Laef Blong Pis Long Nyufala Wol. Taem yumi askem stret wan Baebol stadi long man, yumi save luk sipos hem i intres no no gat. Soemaot se i impoten blong visitim bakegen ol man we oli intres. Leftemap tingting blong olgeta pablisa blong askem stret wan Baebol stadi long ol haos wanwan long wiken ya taem oli go prij.
15 menet: “Kingdom Wok Blong Yumi i Jenis,” mo Tiokratik Nyus. Pulum olgeta blong joen long wok blong prij long wiken ya.
Singsing 157 mo laswan prea.
Wik We i Stat Long Septemba 9
Singsing 106
10 menet: Lokol mesej. Talem bakegen ol poen long ol magasin blong yusum long wok blong prij long wiken ya. Mekem wan no tu pleplei blong soemaot olsem wanem blong seremaot magasin, sipos yu gat taem.
20 menet: Putum Sam Mak Blong Kasem Long Tiokratik Yia. Elda we i lukaot long wok blong prij i save tokbaot ol samting we kongregesen i mekem long laswan tiokratik yia. Hem i save tokbaot ol gudfala samting we kongregesen i mekem long las yia. Tokbaot ol samting we kongregesen i nidim blong wok gud moa long hem long nyu tiokratik yia. Mo givim sam advaes we oli save folem. Tokbaot bakegen ripot blong seket elda. Yusum Index blong faenem ol samting we yu nidim mo olsem wanem blong givim advaes. Olgeta we oli stanap strong oltaem blong mekem wok oli stap leftemap tingting blong ol narafala. (Hib. 6:10) Toktok wetem tu pablisa no paenia we i wok gud long las tiokratik yia. ?Mo wanem mak tufala i putum blong kasem long 1992 tiokratik yia? Mo tu storeyan wetem wan pablisa no paenia we hem i wok gud long plante yia. Mekem hem i soemaot ol traem we hem i fesem mo olsem wanem Jeova mo ogenaesesen blong hem i halpem hem blong winim ol traem ya. Leftemap tingting blong ol pablisa blong oli wok gud moa long wok blong prij long 1992 tiokratik yia. Mo oli save putum sam mak blong kasem.
15 menet: “Responsabiliti Blong Yumi Blong Mekem i Gud Long Ol Narafala.” Toktok wetem kwestin mo ansa. Taem yu kam long haf 4, mekem wan pleplei blong soemaot olsem wanem wan elda long Haos-Kingdom i givim gudfala toktok long wan pablisa we i soemaot gudfala eksampel from we hem i wok gud long plante yia. Maet elda we i mekem tok i save askem hem sipos i nidim help bakegen long sam samting. Be samting we elda ya i mas mekem moa, se leftemap tingting blong hem long gudfala toktok.
Singsing 49 mo laswan prea.
Wik We i Stat Long Septemba 16
Singsing 114
10 menet: Lokol mesej mo ripot blong ol kaon. Ridim leta blong Sosaete we i talem tangkyu from ol presen mane we yufala i sanem i go long hem. Mo talem tangkyu long ol pablisa from Vatu we oli givim blong halpem wok blong Sosaete mo kongregesen.
20 menet: “Ol Buk Stadi—Haf 3.” Tu brata we i lukaot long ol Buk Stadi oli storeyan long ol samting we i save givhan long olgeta. Talemaot olsem wanem ol pablisa oli save kasem blesing from we oli wok gud wetem Buk Stadi. Talemaot nid we ol pablisa oli mas soem blong respektem ol haos we oli yusum blong mekem miting blong prij. Mo talem tangkyu long olgeta ya we oli openem haos blong olgeta blong yusum. Samtaem, kongregesen i nidim sam ples moa blong mekem buk stadi long hem. Taswe sipos wan brata i wantem letem haos blong hem blong oli yusum, i save toktok wetem elda we i lukaot long kongregesen no elda we i lukaot long wok blong prij. Talemaot bakegen sam poen blong las wik, blong oli putum ol mak we oli wantem kasem long nyu tiokratik yia. Elda we i lukaot long wok blong prij i save givhan blong leftemap tingting blong ol pablisa blong putum ol nyufala mak long wok blong prij blong olgeta.
15 menet: “Ol Yangfala—?Yufala i Save Pasem Tes Blong Stap Olsem Trufala Kristin?” Yusum store we i kamaot long Wajtaoa blong Jun 15, 1991. Makem klia se i krangke nomo blong gat tu fes.
Singsing 43 mo laswan prea.
Wik We i Stat Long Septemba 23
Singsing 146
10 menet: Lokol mesej. Talemaot wan no tu poen long ol nyufala magasin. Leftemap tingting blong ol pablisa blong oli joen long wok blong prij long wiken ya.
20 menet: “Mekem Wok Blong Prij Wetem Olgeta Sol Blong Yu—Haf 3.” Toktok wetem kwestin mo ansa. Long haf 4, talem long wan pablisa we i gat ekspiryens blong mekem pleplei. Hem i soemaot olsem wanem blong givhan long wan nyu pablisa long taem blong prij. Soem olsem wanem oli mekem pleplei blong tren long haos bifo oli go prij. Nyuwan i folem advaes we hem i kasem blong winim sam tok we plante man oli mekem blong blokem yumi long wok blong prij.
15 menet: Tokbaot ol lokol nid. No tokbaot olsem wanem blong statem toktok long wok blong prij. Lukluk Reasoning buk pej 9-15. Tokbaot sam ekspiryens blong manis ya, we pablisa i askem stret Baebol stadi long man, mo i statem.
Singsing 151 mo laswan prea.