Kingdom Wok Blong Yumi i Jenis

Long manis ya Septemba, Kingdom Wok Blong Yumi hem i jenis. Jenis ya i mekem i isi blong oli wokem Kingdom Wok Blong Yumi, mo oli save wokem long plante lanwis, mo tu i isi long olgeta we oli stap ridim blong faenem ol poen we yumi wantem save long hem.

Wetem nyufala jenis ya, olgeta taetel insaed, kompyuta nao bambae i save raetem. Hemia i mekem se wok blong prentem Kingdom Wok Blong Yumi i isi moa.

I gat sam jenis long raeting blong hem. Ol leta blong hem, saes blong olgeta i sem mak lelebet, mo stael blong raeting ya i isi blong ridim, nating sipos hem i stap long ol smosmol saes. Ripot blong prij bambae i moa isi blong ridim. Mo tu, ol stampa poen oli stap long afsaed pej, mo plante atikol olsem oli no seraot, oli save finis long sem pej nomo. Defren nao, program blong Miting Blong Kingdom Wok, program blong Buk Stadi, Ripot Blong Prij, ol Advaes, Tiokratik Nyus, ol Miting Blong Prij, Stampa Tok blong Prij, mo Kwestin oli save stap long pej insaed blong Kingdom Wok Blong Yumi.

Mifala i hop se bambae yufala i faenemaot se i wan moa gudfala tul, hem i luk naes mo hem i save givhan moa long wok blong prij mo mekem disaepol.