Miting Blong Kingdom Wok Blong Febuwari
Wik We i Stat Long Febuwari 3
Singsing 14
10 menet: Lokol mesej mo ol Advaes long Kingdom Wok Blong Yumi. Soemaot olsem wanem blong seremaot ol magasin we yumi jes kasem. Leftemap tingting blong ol pablisa blong oli joen wetem grup, blong prij long wiken.
20 menet: “Mekemrere Fastok Blong Febuwari.” (10 menet) Ol kwestin mo ansa. (8 menet) Mekemrere ol pleplei long tu no tri haf blong ol fastok we i stret long ples blong yu. (2 menet) Leftemap tingting blong olgeta blong lanem mo yusum wan no moa long olgeta haf blong ol fastok ya.
15 menet: “Adam mo Iv,” Reasoning buk, pej 27-29 (25-27). (5 menet) Fastok i stanap long haf we i stap aninit long taetel ya: “Were Adam and Eve merely allegorical (fictional) persons? (Adam et Eve sont-ils des personnages fictifs, purement allégoriques?)” (6 menet) Mekem wan pleplei blong soemaot visit we wan pablisa i mekem long wan man we hem i livim kwestin ya wetem hem se “?God i wantem se Adam i sin, hemia i plan blong God?” (4 menet) Enkarajem olgeta blong yusum haf ya se “If Someone Says (Si quelqu’un vous dit)—” we i stap long Reasoning buk, hemia ol stampa tok blong mekem ol visit. Tokbaot ol narafala eksampel bakegen.
Singsing 134 mo laswan prea.
Wik We i Stat Long Febuwari 10
Singsing 62
10 menet: Lokol mesej, mo tokbaot ol miting blong prij long wik. Leftemap tingting blong ol pablisa blong traehad blong mekem ol visit long wik mo long manis ya. Kingdom Wok ya Blong Yumi bambae i eksplenem mo i soemaot fo defren rod blong mekem fastok taem yu visitim ol man we oli intres. Jusum wan no moa blong yusum long wik ya.
20 menet: “Statem Toktok Taem Yu Mekem Visit.” (3 menet) Fastok i kavremap ol poen we oli stap long haf 1 mo 2. (15 menet) Mekemrere ol pleplei long ol trifala fastok we i stap long haf 3-5. Sipos i gat taem, afta long evri pleplei, yu save tokbaot smol olsem wanem oli save mekem i wok. (2 menet) Talemaot ol tingting we i stap long haf 6, leftemap tingting blong evriwan blong oli mekemrere mo yusum wan long ol fastok blong statem tok wetem ol man we oli soemaot intres.
15 menet: “?Yu Yu Save Mekem Haftaem Paenia?” Elda i storeyan wetem sam pablisa we oli mekem haftaem paenia bifo mo olgeta we oli stap mekem plan blong mekem haftaem paenia bakegen long manis Maj mo Epril. Taem yu kavremap ol poen long ol haf ya, ol pablisa ya oli eksplenem from wanem oli wantem mekem haftaem paenia. Oli tokbaot ol blesing mo oli tokbaot ol samting we oli jenisim long laef blong olgeta blong oli save kasem ol haoa we oli mas kasem. Storeyan ya i soemaot fasin glad we ol haftaem paenia oli kasem mo enkarajem evriwan blong tingbaot wok ya sipos oli gat jans blong oli save mekem.
Singing 114 mo laswan prea.
Wik We i Stat Long Febuwari 17
Singsing 212
10 menet: Lokol mesej, ripot blong kaon, mo leta we Sosaete i sanem blong talem tangkyu from mane we kongregesen i givim. Talem tangkyu long ol brata from mane we oli givim blong sapotem wok blong Kingdom. Leftemap tingting blong ol pablisa blong oli joen long wok blong prij long wiken.
20 menet: “Yu Mas Mekem Visit.” Ol kwestin, ansa mo ol pleplei. Afta we yu tokbaot haf 5, mekem wan pleplei we pablisa i visitim wan man we hem i livim traket wetem hem. From samting ya hem i statem Baebol stadi long Laef Foreva buk. Afta long haf 6, mekem pleplei we wan pablisa i visitim wan man we i no wantem tekem ol buk fastaem. Biaen long pleplei, askem long pablisa from wanem hem i wantem visitim man ya nating se hem i no wantem tekem buk long faswan visit.
15 menet: “Mekem ‘Evri Kaen Fasin We i Gud’ ”. Tok ya i stanap long Wajtaoa long Bislama long Novemba 15, 1991, pej 14.
Singsing 134 mo laswan prea.
Wik We i Stat Long Febuwari 24
Singsing 114
10 menet: Lokol mesej, mo tokbaot ol miting blong prij long wik mo Tiokratik Nyus.
15 menet: “Soem Sapot Long Ol Paenia.” Toktok wetem ol kwestin mo ol ansa mo askem kwestin long wan man. Makem ol blesing we ful kongregesen i kasem taem ol paenia oli kasem sapot we oli nidim. Toktok wetem ol paenia, makem olsem wanem ol elda mo ol narafala man insaed long kongregesen oli givhan long olgeta long paenia wok blong olgeta.
20 menet: “Jeova Mo Kraes Oli Nambawan Man Blong Toktok Long Narafala.” Tok i stanap long Wajtaoa long Bislama Desemba 1, 1991, pej 9.
Singsing 43 mo laswan prea.