Miting Blong Kingdom Wok Blong Mei
Wik We i Stat Long Mei 4
Singsing 43
10 menet: Lokol mesej mo ol Advaes long Kingdom Wok Blong Yumi. Leftemap tingting blong ol pablisa blong oli joen long wok blong prij long wiken.
20 menet: “Seremaot Wajtaoa Long Mei.” Kwestin mo ansa. Mo tu tokbaot wok blong Wajtaoa olsem tok ya we i stap long pej 2 blong evri magasin. Yu save ademap sam tok, we oli stanap long magasin blong yusum long wok blong prij long wik ya. Ol pablisa oli mas glad taem oli askem sabskripsen.
15 menet: “Ol Fastok Oli Save Mekem Wan Jenis.” Tokbaot haf ya wetem ol man we oli lesin. ?Oli bin traem ol fastok we oli stap long Kingdom Wok Blong Yumi, we plante long olgeta fastok ya oli tekem long Reasoning buk? ?Weswan fastok oli faenemaot se hem i karem frut long teritori blong yufala? ?Wetaem ol pablisa oli save mekemrere mo oli save lanem fastok blong yusum long wok blong prij? Mekem tu no tri pleplei long ol fastok we i sot nomo we i save karem frut long ples blong yu.
Singsing 32 mo laswan prea.
Wik We i Stat Long Mei 11
Singsing 143
5 menet: Lokol mesej.
20 menet: “Traem Mekem Se Ol Visit Oli Karem Frut.” Storeyan wetem ol man we oli lesin long ol impoten poen long haf ya, maet yu save tokbaot wan ekspiryens we i no longtaem yu kasem, wan visit we i pulum intres blong man moa. Yusum ol las sikis no eit menet blong mekem pleplei olsem wanem wan man blong lukaot Buk Stadi i save givhan long tu no tri pablisa blong oli mekemrere visit we bambae oli mekem long ol man we oli intres long teritori blong olgeta. Sipos yu gat jans, yusum ol tru visit we ol pablisa bambae oli rili mekem biaen.
20 menet: “1992 ‘Ol Man Blong Karem Laet’ Distrik Asembli”—Ol kwestin mo ansa. Ol pablisa maet oli wantem tokbaot ol stret poen wetem ol Baebol studen blong olgeta we bambae oli kam long asembli ya.
Singsing 65 mo laswan prea.
Wik We i Stat Long Mei 18
Singsing 202
10 menet: Lokol mesej, wetem ripot blong kaon mo mane we oli givim long Sosaete. Talem tangkyu long kongregesen from mane we kongregesen i givim blong sapotem kongregesen mo tu wok blong Sosaete long fulwol.
20 menet: “Leftemap Tingting Blong Oli Wantem Kasem Ol Mak Long Saed Blong Speret.” Elda i mekem tok ya wetem kwestin mo ansa. Afta we i tokbaot haf 6, storeyan wetem wan yangfala pablisa we i wantem kasem ol mak long saed blong speret. ?Wanem samting i givhan long hem blong mekem olsem? Taem yu lukluk long haf 7, tokbaot ol samting we bambae oli save givhan long ol papa mama mo ol yangfala taem oli luklukbak long japta 22, 38, mo 39 blong buk ya Young People Ask.
15 menet: Tokbaot ol lokol nid.
Singsing 213 mo laswan prea.
Wik We i Stat Long Mei 25
Singsing 220
10 menet: Lokol mesej mo Tiokratik Nyus. Ol ekspiryens blong wok blong sabskripsen long manis. (Oli mas mekemrere samting ya mo brata we i lukaot sabskripsen long kongregesen i save givhan long olgeta.)
15 menet: Lukaot Long Yu Wan Long Apostasi. Wan pablisa mo wan elda tufala i toktok, tufala i sidaon long wan tebel. Pablisa i talemaot se hem i faenem wan man long wok blong prij we hem i stap ridim buk blong apostasi. Pablisa i talem long elda se hem i harem se man blong haos i gat stret tingting blong askem ol kwestin we hem i askem. Pablisa i no wantem tekem buk we man blong haos i givim long hem we ol man blong apostasi oli raetem be hem i wantem ansarem kwestin blong man ya blong haos. Elda i talem tangkyu from gudfala fasin mo rod we pablisa ya i tekem. Be blong tokbaot wanem ol man blong apostasi oli raetem no oli talem, i moa gud blong tokbaot ol tingting blong Baebol olsem we Reasoning buk i talem. Elda i askem pablisa blong openem Reasoning buk blong hem, mo tufala i tokbaot ol haf we i stap long pej 34-37 (36-39). Storeyan ya i mas leftemap tingting blong narafala man, tufala i tokbaot mining blong tok ya apostasi, mo ol smol stampa tok we i stap insaed, mo jusum ol impoten vas long Baebol blong ridim sipos i gat taem blong mekem olsem. Finisim storeyan ya wetem gudfala toktok blong leftemap tingting blong ol man blong yusum ol buk we yumi gat blong stadi long hem. Talemaot mesej blong leftemap tingting blong man blong haos. Sipos hem i wan man we i gat gudfala hat, bambae hem i luksave tingting blong trutok we i stret mo nogud tingting, hemia toktok blong ol man blong apostasi. Sipos yumi no laekem ol tingting no ol buk blong ol man blong apostasi, yumi soemaot se yumi stap ona long Jeova mo long ogenaesesen blong hem long wol.
20 menet: “Kakae Blong Speret Evri Dei—Hem i Impoten Long Wan Kristin Famle.” Kwestin mo ansa.
Singsing 108 mo laswan prea.