Miting Blong Kingdom Wok Blong Oktoba
Wik We i Stat Long Oktoba 5
Singsing 92
5 menet: Lokol mesej, jusum ol Advaes long Kingdom Wok Blong Yumi we i stret long yumi, mo talemaot ol bigfala poen long Tiokratik Nyus. Lukluk sam poen long ol magasin we oli jes kamaot; mekem wan no tu smol pleplei blong soemaot olsem wanem yumi save seremaot olgeta afta we yumi yusum sam vas blong Baebol. Leftemap tingting blong evriwan blong tekem jans blong joen moa long wok blong prij long manis blong Oktoba bifo we hot taem i kam.
10 menet: “Yusumgud Ol Magasin.” Kwestin mo ansa. Talemaot klia se yumi mas meksua se man i soemaot trufala intres bifo yumi askem sabskripsen long hem. Taem yu tokbaot haf 6, talemaot sam rod olsem wanem blong statem rod blong magasin: yusum wan tok we i isi, be yu askem stret long man; raetemdaon ol samting long pepa blong prij; wekemap intres blong man long ol magasin long fyuja taem yu tokbaot olgeta haf we bambae oli kamaot; askem sam kwestin we i gat ansa blong olgeta long haf blong ol magasin; mekemsua blong gobak evri tu wik.—7/84 km pej 4.
30 menet: Lukluk bak long ol bigfala poen blong program blong distrik asembli “Ol man Blong Karem Laet”. Oli save givim haf ya blong lukluk bak long tu no tri brata we oli gat ekspiriens blong oli save soemaot klia ol bigfala tingting blong asembli ya. From we oli mekem i reregud fastaem, bambae samting ya i givhan long olgeta memba blong kongregesen blong oli tingbaot ol bigfala poen, blong oli save mekem i wok long laef blong olgeta wanwan mo oli save yusum long wok blong prij. “Ol Man Blong Karem Laet Long Olgeta Man Raonabaot Long Olgeta”. Soemaot sam rod we yumi save yusum blong seremaot ol nyufala buk long teritori blong kongregesen.
Singsing 151 mo laswan prea.
Wik We i Stat Long Oktoba 12
Singsing 85
10 menet: Lokol mesej. Ridim ripot blong ol kaon blong evri manis; givim sam tok we i stanap long 2 Korin 9:6, 7. Invaetem sam pablisa we oli mekemrere finis blong talemaot sam ekspiryens we oli kasem taem oli seremaot magasin mo sabskripsen long Oktoba.
15 menet: “Wokem Fastok We i Pulum Man Blong Mekem Wan Samting.” Mekem wan tok we i soemaot olsem wanem yumi save mekemrere storeyan taem yumi yusum ol magasin blong Oktoba we haf ya i tokbaot. Mekem plan blong tu no tri pablisa we oli gat gudhan, blong mekem sam pleplei we oli soemaot fastok we yu tokbaot; wan yangfala pablisa i save mekem wan long ol pleplei ya.
20 menet: “Soemaot Se Yumi Tingbaot Ol Man We Oli Intres.” Tokbaot haf ya wetem kongregesen. Taem yu tokbaot haf 2, talem sam poen we yu jusum long Julae 1, 1981, Wajtaoa, pej 4-6, we i soemaot olsem wanem yumi save folem fasin blong Jisas blong tingbaot ol narafala. Talem sam tok blong soemaot olsem wanem blong fulumap pepa blong prij mo olsem wanem yumi save yusum pepa ya blong gobak long ol man we oli intres. Mekem wan smol pleplei long wan long ol poen ya we yumi tokbaot. Afta we wan pablisa we i gat gudhan i mekem pleplei ya blong soemaot rod we yumi save yusum, invaetem olgeta we oli stap lesin blong talem tingting blong olgeta from wanem samting ya i save kam wan gudfala rod blong statem Baebol stadi long teritori blong yumi.
Singsing 190 mo laswan prea.
Wik We i Stat Long Oktoba 19
Singsing 183
5 menet: Lokol mesej. Soemaot kwiktaem olsem wanem blong fulumap pepa blong sabskripsen, mo talemaot brata we i lukaot long wok ya.
20 menet: “Halpem Pikinini Blong Mekem Wok Blong Jeova Wetem Hat Blong Hem.” Tokbaot haf ya wetem kongregesen. Talemaotgud nid blong ol papa mama blong fulumapgud responsabiliti blong olgeta blong soem eksampel mo trenem pikinini blong olgeta long minista wok. Invaetem wan no tu papa mama blong talemaot samting we oli bin mekem we i gat gudfala frut i kamaot from. Askem wan papa no mama blong soemaot olsem wanem hem i halpem wan pikinini blong mekemrere wan storeyan we hem i save yusum long minista wok long ol haos wanwan. Blong finisim, askem wan yangfala blong mekem wan pleplei blong soemaot wan long ol storeyan long haf ya.
20 menet: Sam Tok We Ol Yangfala Pablisa Oli Talem. Invaetem sam yangfala we oli mekemrere finis blong eksplenem olsem wanem oli kasem mak ya blong kam wan pablisa we i no baptaes yet mo from wanem oli laekem blong joen long wok blong prij mo oli wantem joen moa long hem. Oli mas ansa long prapa tok blong olgeta be i no sam tok we narafala i talem long olgeta.
Singsing 221 mo laswan prea.
Wik We i Stat Long Oktoba 26
Singsing 46
10 menet: Lokol mesej. Leftemap tingting blong evriwan blong tingbaot jans blong mekem haftaem paenia long manis Novemba no Desemba taem ol holidei oli givim sam ekstra taem long yumi.
17 menet: Ansa long wan kwestin. Tokbaot wetem kongregesen. Makem from wanem i impoten blong pikinini i gat wan gudfala nem from gud fasin blong hem mo stret tingting blong wantem joen long wok blong prij, blong hem i save kam olsem wan pablisa we i no baptaes yet.
18 menet: Seremaot New World Translation mo The Bible—God’s Word or Man’s? long Novemba. Tok mo pleplei. Luk bakegen sam bigfala poen long ol haf long “New World Translation” long Reasoning buk, pej 276-279 (408-411). Nao soemaot long wan pleplei olsem wanem oli save yusum namba tu tok we i stap long Reasoning buk long pej 10 taem oli toktok wetem man blong haos.
Singsing 121 mo laswan prea.