Wajtaoa LAEBRI LONG INTENET
Wajtaoa
LAEBRI LONG INTENET
Bislama
  • BAEBOL
  • OL BUK
  • OL MITING
  • km 11/92 p. 2
  • Miting Blong Kingdom Wok Blong Novemba

I no gat video yet long haf ya.

Sori, i gat problem taem i stap lodem video ya.

  • Miting Blong Kingdom Wok Blong Novemba
  • Kingdom Wok Blong Yumi—1992
  • Ol Sabtaetol
  • Wik We i Stat Long Novemba 2
  • Wik We i Stat Long Novemba 9
  • Wik We i Stat Long Novemba 16
  • Wik We i Stat Long Novemba 23
  • Wik We i Stat Long Novemba 30
Kingdom Wok Blong Yumi—1992
km 11/92 p. 2

Miting Blong Kingdom Wok Blong Novemba

Wik We i Stat Long Novemba 2

Singsing 49

10 menet: Lokol mesej mo sam Advaes we yumi save jusum long Kingdom Wok. Talem tangkyu long ol pablisa long wok we oli mekem long wok blong prij. Tokbaot sam poen long ol nyufala magasin we oli save yusum long teritori blong yumi.

15 menet: “Paoa blong Tok blong God.” Kwestin mo ansa. Leftemap tingting blong evriwan blong ridim traket ya From Wanem Yu Yu Save Bilif Long Baebol, makemgud sam haf we yumi save yusum blong toktok wetem man long wok blong prij.

20 menet: “Putum Faondesen Blong Visit Long Fastaem We Yu Toktok Wetem Man.” Brata we i mekem tok ya i save rere fo pleplei we oli soemaot wan long tufala fasin blong storeyan we haf 2 mo 3 oli tokbaot mo soemaot wanwan long ol poen long haf 4, 5, mo 6. Laswan pleplei i mas soemaot olsem wanem blong givimaot Baebol mo Trutok buk long fastaem we yumi toktok wetem man.

Singsing 52 mo laswan prea.

Wik We i Stat Long Novemba 9

Singsing 158

5 menet: Lokol mesej mo Tiokratik Nyus.

15 menet: “?Yu Yu Stap Folem Ol advaes We oli Givim? Presiden elda i mekem tok ya we i stanap long haf blong Wajtaoa (Engglis/Franis), Oktoba 1, 1990, pej 30-31. Soemaot olsem wanem oli save mekem i wok long ol defren samting olsem: ripot long wok blong prij, klinim Haos Kingdom, stap long stret taem long ol miting blong prij, mo ol narafala samting olsem. Tokbaot ol poen we oli stret, mo halpem evriwan blong luksave olsem wanem samting ya i save mekem i gud long kongregesen mo wok blong ol man blong givhan long kongregesen i kam isi taem evriwan oli folem ol advaes.

10 menet: “Mekem Haftaem Paenia Long Desemba.” Glad mo kaen blong tokbaot haf ya wetem kwestin mo ansa. Talem ol plan blong wok blong prij blong kongregesen mo ol spesel plan we bambae oli mekem blong ol bigfala grup long Desemba.

15 menet: “Mekem Moa Tiokratik Wok Long Taem Blong Spel Blong Yumi.” Toktok mo pleplei we famle i storeyan tugeta.

(3 menet.) Jeaman i tokbaot tufala fas haf mo hem i askem famle blong storeyan. Oli no mas ting nating long nid blong famle long saed blong speret long taem blong spel. Ol hed blong famle oli mas mekem sua se oltaem oli stap kea long nid blong famle blong olgeta long saed blong speret.​—⁠Dut. 6:​6, 7.

(10 menet.) Famle i storeyan long ol poen long haf 3-6. Hed blong famle i toktok wetem famle blong mekem sua se ol plan blong holidei blong olgeta i gat sam wok long saed blong speret tu insaed. Hed blong famle i pulum tingting long plan blong prij long aelan blong hem long ol memba blong famle mo ol fren. Hem i eksplenem se hem i bin raet long Sosaeti blong kasem sam advaes blong save olsem wanem mo weples oli prij long hem. Wan memba blong famle i kasem sam adres blong sam man we oli intres we oli stap long aelan ya. Famle i gat inaf buk blong yusum long wok blong prij mo oli plan blong yusum Trutok buk mo Wajtaoa long Bislama. Evriwan bambae oli rere blong holem jans blong prij. Tokbaot sam taem we oli save givim jans long olgeta blong prij. Evriwan oli glad blong luk olsem wanem oli save mekem moa tiokratik wok long wok blong olgeta long saed blong speret.

(2 menet.) Jeaman i finisim wetem sam advaes long haf 7. Wanem plan yumi mekem, be yumi mas save se yumi no ting nating long nid long saed blong speret blong famle.

Singsing 27 mo laswan prea.

Wik We i Stat Long Novemba 16

Singsing 160

15 menet: Lokol mesej, wetem ripot blong kaon mo talem tangkyu long ol presen mane. Talem tangkyu long kongregesen long mane we oli givim blong sapotem kongregesen mo long wok blong Sosaeti long wol. Talem ol spesel plan we oli mekem long wok blong prij long taem blong holidei sipos i stret.

20 menet: “Olsem Wanem Blong Wok Long Intres.” Tok mo pleplei, brata we i lukaot long wok blong prij i mekem haf ya. Soemaot ol teknik we haf 5 mo 6 oli tokbaot. Mekem ol pleplei oli isi blong folem.

10 menet: “Jusum ol stret poen blong storeyan.” Hasban mo waef oli storeyan blong mekemrere wok blong prij.

Singsing 212 mo laswan prea.

Wik We i Stat Long Novemba 23

Singsing 62

10 menet: Lokol mesej. Mekem wan pleplei blong soemaot olsem wanem blong yusum wan poen long magasin we i jes kamaot long wiken. Yusum sam tingting we oli givim long Miting Blong Kingdom Wok long las wik.

20 menet: Lokol nid no wan tok we stanap long “Yu Save Haremgud Long Taem Blong Trabol” we i kamaot long Wajtaoa, Julae 15, 1992 pej 19.

15 menet: From wanem yumi no mekem lafet blong betdei. Storeyan bitwin elda mo wan yangfala boe we i no gat papa we i gat gudfala fasin. Boe i go luk elda blong halpem hem blong winim traem ya we ol fren blong hem oli traem pulum hem blong go wetem olgeta long wan lafet blong betdei. Hem i save se i rong be hem i wantem eksplenemgud long ol narafala. Wetem kaen fasin mo long wan lanwis we isi elda i luk bakegen wetem boe ya sam poen long pej 30-31 long Wajtaoa, Septemba 1, 1992 mo pej 68-70 [32-34] blong Reasoning buk.

Singsing 24 mo laswan prea.

Wik We i Stat Long Novemba 30

Singsing 48

10 menet: Lokol mesej.

15 menet: Yusum buk ya Man We i Hae Moa blong mekem laet blong yumi i saen long Desemba. Tok wetem pleplei. Leftemap tingting blong evriwan blong holemtaet ol poen long wok blong prij long tingting blong olgeta. Tokbaot sam poen we i stanap long japta we yumi lukluk long Tiokratik Skul program.

20 menet: Tok i stanap long Wajtaoa (Engglis/Franis), Julae 1, 1992, pej 26 we stampa blong hem i se: “?Bisi Long Ol Wok We Oli Ded Nomo No Long Wok Blong Jeova?

Singsing 220 mo laswan prea.

    Ol buk long Bislama (1987-2026)
    Logaot
    Login
    • Bislama
    • Serem
    • Setemap Olsem Yu Wantem
    • Copyright © 2025 Watch Tower Bible and Tract Society of Pennsylvania
    • Ol Rul
    • Privacy Policy
    • Privacy Settings
    • JW.ORG
    • Login
    Serem