Miting Blong Kingdom Wok Blong Maj
Wik We i Stat Long Maj 1
Singsing 9
15 menet: Lokol mesej mo Advaes long Kingdom Wok Blong Yumi. Talemaot ol nyufala buk we oli rere we pej 6 i soem. Talemaot sam we oli stret long kongregesen. Tiokratik nyus, soem olsem wanem blesing blong Jeova i stap long ol man blong hem long olgeta ples long wol. Yu save talem ol ekspiryens blong kongregesen tu sipos oli stret.
15 menet: “Gohed Blong Talem Se: ‘Yu Kam!’” Kwestin mo ansa. Taem yu tokbaot haf 4, wan pablisa we i reregud i save tokbaot ol poen long japta 42 blong Revelesen buk (Revelation Climax) long haf 6-10, we i tokbaot Rev. 21:4-6.
15 menet: “Rere Blong Jenisim Tok Long Minista Wok Blong Yumi.” Tok we ol man we oli stap lesin oli joen long hem. Wetem tu smol pleplei taem yu tokbaot haf 3-5. Taem oli mekem pleplei long poen long haf 4 mo 5, soem olsem wanem wan pablisa we i bigman i save wok wetem wan yangfala pablisa long minista wok long ol haos wanwan we haf ya i tokbaot.
Singsing 114 mo laswan prea.
Wik We i Stat Long Maj 8
Singsing 128
5 menet: Lokol mesej. Talemaot namba blong ol paenia blong manis Epril we oli agri finis long olgeta. Leftemap tingting blong olgeta we oli stap plan blong paenia blong oli givim nem blong olgeta samtaem bifo.
20 menet: “?Yu Save Mekem Moa Blong Ona Long Jeova?” Kwestin mo ansa long haf 1 kasem 10.
20 menet: Givhan Long Ol Baebol Stadi Blong Yumi. Toktok wetem ol man we oli lesin long nid blong givhan long ol studen bitim yu jes mekem ol Baebol stadi nomo wetem olgeta. (1 Tes. 2:8) Tekem sam moa taem blong mekem hat blong olgeta i pulum olgeta blong kam long ol miting mo givim ansa long ol miting. Mekem oli luksave Oganaesesen mo famle blong ol brata long olgeta ples long wol, taem yu eksplenem ol seket asembli, spesel dei asembli, mo ol distrik asembli long olgeta. Sloslo, soem long olgeta olsem wanem blong talemaot long ol narafala ol samting we oli lanem. Ol Baebol stadi we oli kasem ol mak we buk ya Our Ministry i tokbaot long pej 98 mo 99 mo we oli wantem joen long pablik minista wok long ol haos wanwan, yumi mas halpem olgeta blong oli kam ol pablisa we oli no baptaes yet. Hem i impoten blong tekem sam taem long taem blong stadi mo afta blong halpem ol studen blong wokem fasin blong wantem givim laef blong hem mo baptaes. Soem sam pija nospelling sam haf long nyus pepa we oli soemaot baptaes long ol asembli blong yumi. Pleplei: Pablisa i givhan long studen blong holem jans blong prij. Jusum sam poen we yumi save yusum long wok blong prij long Laef Foreva buk mo talem se: “I gud blong yusum haf ya blong storeyan wetem sam memba blong famle blong yu no sam man we oli stap kolosap long yu. Yu save talem long olgeta se yu lanem sam samting long Baebol we yu no save bifo.” Leftemap tingting blong ol pablisa blong givhan long ol Baebol studen, soemaot lav mo fasin kea long olgeta afta long baptaes.
Singsing 123 mo laswan prea.
Wik We i Stat Long Maj 15
Singsing 72
10 menet: Lokol mesej, wetem ripot blong ol kaon mo presen mane. Lukluk long “Wan Mesej Long Stret Taem” long en blong haf ya. Leftemap tingting blong evriwan blong raetem daon nem blong spesel tok blong Maj 28 mo blong invaetem ol man we oli intres blong kam.
15 menet: “Halpem Ol Man We Oli Soem Intres” Wan tok we ol man we oli lesin oli joen long hem. Lukluk long ol vas blong Baebol we i stap sipos i gat inaf taem. Soemaot tingting we i stap long haf 3. Talemaot from wanem i nidim blong wok long intres blong ol man we i fastaem blong olgeta blong kam.
20 menet: “?Yu Save Mekem Moa Blong Ona Long Jeova?” Kwestin mo ansa long haf 11 kasem 22.
Singsing 32 mo laswan prea.
Wik We i Stat Long Maj 22
Singsing 66
10 menet: Lokol mesej. Ansa long wan kwestin. Leftemap tingting blong evriwan blong plan blong joen moa long minista wok long Epril.
20 menet: Lukaot long ol olfala. Storeyan mo askem kwestin long tu brata. Long Distrik asembli “Ol Man Blong Karem Laet”, wan tok we i gat tri haf long hem i soemaot stampa tok ya “Lukaot Long Ol Olfala Long Kristin Famle Blong Yumi” En blong tok ya “Taem Yumi Lukaot Long Ol Olfala” i soem samting we ol olfala oli stap mekem long kongregesen mo long famle. (Prov. 16:31) ?Wanem sam rod we yumi save halpem ol olfala long hem? Fastaem hem i responsabiliti blong famle. (1 Tim. 5:3, 4, 8, 16) Yumi nidim kaen fasin mo longfala tingting. Ol pikinini we oli bigwan finis mo ol smol bubu oli gat jans blong soem fasin tangkyu long ol yia we ol papa mama mo ol bubu blong olgeta oli soem lav, wok, mo kea long olgeta long ol taem we oli pas. (w87 6/1 13-18; wLM87 12/1 13-18) Kongregesen tu i save halpem ol olfala. Samfala maet oli kasem mak ya we oli mas kasem help long Gavman. Invaetem olgeta blong kakae long haos mo long taem we yufala i joen tugeta. (Rom 12:13) Halpem olgeta long wok blong prij. Givhan long olgeta long saed blong transpot blong go long ol miting mo asembli. Halpem olgeta blong pem sam samting long stoa mo klinim haos blong olgeta. (w87 6/1 4-7) Soem respek oltaem long ol olfala. (1 Tim. 5:1, 2) Askem kwestin long wan no olfala we oli olsem gud eksampel. Soemaot olsem wanem oli haremgud long kaen fasin we famle blong olgeta mo kongregesen i soem long olgeta.
15 menet: Elda i askem kwestin long tri no fo pablisa we bambae oli mekem haftaem paenia long Epril no we oli bin mekem bifo. ?Wanem i pusum olgeta blong paenia? ?Wanem plan oli gat long manis Epril? ?Olsem wanem haftaem paenia i halpem olgeta wanwan? Leftemap tingting blong olgeta we oli plan blong mekem haftaem paenia nekis manis blong fulumap wan fom mo givimbak samtaem bifo.
Singsing 172 mo laswan prea.
Wik We i Stat Long Maj 29
Singsing 105
10 menet: Lokol mesej. Mekem evriwan blong tingbaot blong invaetem ol man we oli intres mo ol Baebol studen blong kam long lafet blong Memoriol. Yusumgud ol pepa blong askem blong man blong kam.
25 menet: “Mekem Lafet Blong Ded Ya We i Givim Hop Blong Laef We i No Save Finis.” Presiden elda i mekem haf ya wetem kwestin mo ansa. Wetem haf we i stap long bokis “Blong Rere Long Memoriol.” Afta we yu tokbaot haf 5, mekem wan pleplei we i soem wan pablisa i invaetem Baebol studen long Memoriol. Pablisa i eksplenem ol vas we oli jusum blong ridim long wik blong Epril 1-6 mo talem se bambae hem i givhan long hem long transpot.
10 menet: Seremaot Wajtaoa long Epril. Talem sam poen mo haf we oli save soemaot long manis ya. Rere blong pulum tingting i go long ol poen long magasin, long evritaem we yumi gat jans blong mekem.
Singsing 87 mo laswan prea.