Miting Blong Kingdom Wok Blong Oktoba
NOTIS: Distrik Asembli “Tijing Blong God”; 30-menet lukluk bakegen ol bigfala poen blong program long miting blong kingdom wok long Oktoba. Tu no tri brata we oli jusum olgeta samtaem bifo mo we oli gat gud han oli save tokbaot ol bigfala poen blong program blong wanwan dei blong Distrik asembli ya. Taem oli reregud long haf ya blong lukluk bakegen ol bigfala poen blong asembli bambae samting ya i halpem kongregesen blong tingbaot bakegen ol impoten poen blong yusum long laef blong olgeta wanwan mo blong yusum long wok blong prij. Ansa we ol man we oli lesin oli givim oli mas sot mo stret long poen.
Wik We i Stat Long Oktoba 4
Singsing 225
10 menet: Lokol mesej mo jusum sam Advaes long Kingdom Wok Blong Yumi. Tokbaot sam rod blong yusum ol nyufala magasin long teritori blong yumi. Soemaot we i impoten blong gobak long ol man we oli bin karem magasin, mo wetem tingting blong askem sabskripsen long olgeta.
20 menet Ridim ol toktok insaed long buk ya Ol Rul Blong Mekem Minista Wok Blong Yumi japta 1.
15 menet: Mekem Minista Wok Blong Yu Long Ol Haos Wanwan i Gru Moa Long Manis Oktoba. Elda we i lukaot long wok blong prij no wan brata we i naf i save tokbaot haf ya wetem kongregesen se wok blong prij long ol haos wanwan i impoten tumas. Ol defren buk we yumi save seremaot long manis Oktoba, i mekem se yumi save yusum ol defren kaen storeyan wetem ol man. Pleplei: (1) Pablisa i statem toktok we i lidim i go long wan haf long nyufala Wekap! no Wajtaoa. (2) Pablisa i statem toktok wetem tingting ya blong lidim man i go long buk ya Mankind’s Search for God. Dipen long samting we i kamaot, maet pablisa i soem buk no i soemaot tufala magasin. (3) Pablisa i yusum wan traket blong statem toktok taem hem i tekem jans blong prij mo biaen i givimaot ol nyufala magasin long man we i intres. (4) Pablisa i karem magasin long man we oltaem i stap karem magasin mo i askem sabskripsen. Ol defren rod olsem oli save leftemap tingting blong ol pablisa blong mekem minista wok blong olgeta long ol haos wanwan i gru moa long manis Oktoba. Samfala long kongregesen bambae oli mekem haftaem paenia long manis ya. Hem i no let tumas blong ol narafala blong joen, olgeta we oli naf blong mekem.
Singsing 42 mo laswan prea.
Wik We i Stat Long Oktoba 11
Singsing 4
10 menet: Lokol mesej. Ripot blong ol kaon. Ridim ol leta blong talem tangkyu from presen mane, mo talem tangkyu long kongregesen from sapot blong olgeta long wok blong prij long olgeta ples mo tu blong lukaot long ol lokol nid blong kongregesen. Mekem wan sotfala tok blong tingtingbak long program blong wok blong prij long wik, mo soem fasin tangkyu long ol pablisa we oli stap sapotem wok blong prij.
15 menet: “Yusum Ol Magasin Blong Yumi Long Ol Haos Wanwan.” Tokbaot wetem kongregesen. Yumi gat gudfala risen blong glad tumas blong givimaot ol magasin long ol man we yumi mitim olgeta long wok blong prij mo long olgeta we yumi tekem jans blong prij long olgeta. Nating se ol magasin oli gat stret det blong olgeta mo yumi mas seremaot ol nyufala magasin long dei blong seraotem ol magasin, yumi no nidim blong stop blong seremaot ol olfala magasin taem i stret blong mekem olsem. Mekem sua nomo se taem yu givimaot, ol magasin ya oli mas klin mo we yu no bin spolem olgeta. Askem wan pablisa we i naf gud blong mekem pleplei we i stap long paragraf 4.
20 menet: “Tijing Blong God i Gat Bigfala Paoa.” Kwestin mo ansa. Ridim paragraf mo ol vas we oli stap sipos i gat inaf taem. Letem samfala oli talem sam sot tok blong soemaot we oli gat fasin tangkyu from ol samting we oli kasem long asembli mo oli save tokbaot ol nyufala buk we oli jes kasem long asembli.
Singsing 44 mo laswan prea.
Wik We i Stat Long Oktoba 18
Singsing 65
5 menet: Lokol mesej. Tiokratik Nyus.
15 menet Ridim ol toktok insaed long buk ya Ol Rul Blong Mekem Minista Wok Blong Yumi japta 2.
15 menet: “Lukaotgud Long Intres We Yumi Faenem.” Wan tok wetem sam kwestin we i go stret long kongregesen. Soem olsem wanem sam pablisa oli mekem intres we oli faenem long lokol teritori i gru moa, no askem pablisa blong talem wan ekspiryens we i soemaot we i impoten blong gobak long olgeta we oli bin karem Wekap! mo Wajtaoa.
10 menet:: “?Yu Yu Respektem Ples Blong Wosip Blong Yu?” Wan elda i mekem tok ya we i stanap long Wajtaoa blong Jun 15, 1993. Mekem ol tok i stret long fasin blong ples blong yumi. Sipos i gat wan problem blong tokbaot, givim wan stret advaes wetem kaen fasin.
Singsing 60 mo laswan prea.
Wik We i Stat Long Oktoba 25
Singsing 75
10 menet: Lokol mesej. Plan blong prij long wik, makem sam poen long ol nyufala magasin we ol pablisa oli save yusum long wok blong prij long ol dei we i kam. Sipos i gat taem i stap, mekem wan no tu sotfala pleplei we i stret long teritori blong yumi. Talem bakegen nid blong gobak long olgeta we oli soem intres.
15 menet: Stap Rere Blong Leftemap Tingting Blong Olgeta We Oli Stap Krae From Ded (i stanap long Reasoning buk pej 102-4); (F. pej 257-9). (3 menet.) Brata we i mekem tok ya i mas soemaot klia we ol Wetnes blong Jeova oli no sakem olgeta kastom we oli joen wetem ol ded man. (5 menet.) Soem olsem wanem wan Wetnes i save eksplenem long wan man we i wok wetem hem, from wanem ol Wetnes blong Jeova oli no folem sam kaen kastom blong krae from ol ded man, tok ya i stanap long Reasoning buk, pej 102-3 (F. 257-8). (7 menet.) Tokbaot wetem kongregesen long haf ya “Sipos Wan i Talem Se—” long pej 103-4 (F. 258-9).
20 menet: “Lidim Wan Baebol Stadi.” Kwestin mo ansa. Wan pablisa i mekem wan pleplei we i reregud long hem blong halpem wan studen blong kasem save olsem wanem ol vas blong Baebol we oli stap long paragraf oli sapotem ol tok we oli stap long paragraf ya. Long sem pleplei ya, pablisa ya i yusum sam moa kwestin blong halpem studen ya i mekem trutok i wok long laef blong hem. Yusum sam haf long Joen Tugeta Long Wosip no Laef Foreva buk.
Singsing 78 mo laswan prea.