Miting Blong Kingdom Wok Blong Desemba
Wik We i Stat Long Desemba 6
Singsing 205
10 menet: Lokol mesej mo jusum sam Advaes long Kingdom Wok Blong Yumi.
20 menet: “Halpem Ol Narafala Blong Kasem Save Long Pikinini Blong God, Jisas Kraes.” Kwestin mo ansa. Mekem pleplei long paragraf 2 (Pablisa we i gat ekspiryens i mekem) mo paragraf 4 (wan yang pablisa i mekem). Leftemap tingting blong evriwan blong seremaot buk ya Man We i Hae Moa long ol haos wanwan mo taem oli holem jans blong prij.
15 menet: “Holem Sam Taem Blong Joen Long Wok Blong Seremaot Magasin.” Toktok wetem ol man we oli stap lesin. Taem yu tokbaot paragraf 3, soemaot olsem wanem blong yusum ol defren haf blong seremaot ol nyu magasin long ol defren man long teritori.
Singsing 169 mo laswan prea.
Wik We i Stat Long Desemba 13
Singsing 146
10 menet: Lokol mesej, ripot blong kaon, mo talem tangkyu long presen mane. Talem tangkyu long kongregesen from sapot blong olgeta long lokol nid, presen mane blong bildim ol Haos Kingdom, mo wok blong Sosaeti long olgeta ples long wol. Talem wan no tu poen we oli save yusum long fastok blong olgeta long wok blong prij long wiken.
15 menet: “Yearbook—Wan Nambawan Samting Blong Leftemap Tingting.” Tok we i gat laef long hem, we i makemgud olsem wanem ol vas we oli stap oli joen wetem tok ya. Mekem plan blong sam pablisa we oli rere fastaem blong talem wetem filing ol ekspiryens long haf ya mo ol ekspiryens we oli faenem long pej 32 blong Janewari 1, 1990, Janewari 1, 1987, mo Janewari 1, 1986, namba blong Wajtaoa (Engglis mo Franis).
20 menet: “Statem Baebol Stadi Long Desemba.” Toktok wetem ol man we oli lesin. Taem yu tokbaot paragraf 4, mekem pleplei blong soem olsem wanem blong statem wan Baebol stadi long visit bakegen. Leftemap tingting blong evriwan blong mekem wan Baebol stadi evri manis, sipos oli save mekem olsem.
Singsing 165 mo laswan prea.
Wik We i Stat Long Desemba 20
Singsing 189
10 menet: Lokol mesej. Talemaot ol spesel plan blong prij long lokol eria long Desemba 25.
15 menet: “Kasem Hat Blong Baebol Studen Blong Yu.” Kwestin mo ansa wetem pleplei. Soemaot klia poen we olgeta long kongregesen oli mas traehad blong kam gud moa long fasin blong tij. Afta we yu tokbaot paragraf 3, wan pablisa i mekem pleplei blong soem olsem wanem blong mekem studen i tingtinggud taem yu yusum ol kwestin mo ol vas we oli stap long paragraf 13 mo 14 long japta 1 blong Laef Foreva buk.
20 menet: “I Gat Nid Blong Bildim Moa Haos Kingdom.”—Haf 1. Kavremap paragraf 1-10 wetem kwestin mo ansa long haf we i stap insaed long Kingdom Wok Blong Yumi. Makemgud from wanem ol elda oli mas toktok wetem Bilding Komiti Blong Rijen taem oli plan blong bildim wan Haos Kingdom.
Singsing 61 mo laswan prea.
Wik We i Stat Long Desemba 27
Singsing 37
5 menet: Lokol mesej. Tiokratik nyus. Talemaot ol spesel plan blong prij long Janewari 1. Soemaot olsem wanem blong yusum buk we bambae yumi seremaot long Janewari.
10 menet: ?Wanem i Rong Wetem Fasin Blong Traem Ol Drag? Tu yangfala pablisa oli storeyan wetem wan elda long fasin blong yusum drag long skul we i kam antap bigwan. Oli talem se plante yangfala oli no ting se i rong blong yusum drag sam samtaem nomo. Elda i agri se ol samting oli kam moa nogud stat taem hem i finis skul kasem naoia. Hem i poenemaot se oli no tokbaot stret ol drag long Baebol, be yumi save faenem ol gudfala rul long saed long fasin blong yusum ol drag, long Reasoning buk, long pej 106-112 (F. 112-118). Ol yangfala oli ridim ol vas, mo elda i toktokgud wetem olgeta long ol save we oli stap long haf ya. Ol yangfala oli talemaot prapa tingting blong olgeta long ol defren rod we oli save yusum blong halpem olgeta wanwan taem ol fren blong olgeta oli traem pulum olgeta.
15 menet: “I Gat Nid Blong Bildim Moa Haos Kingdom.”—Haf 2. Elda i Tok wetem glad taem hem i tokbaot paragraf 11-17 long haf we i stap insaed long Kingdom Wok Blong Yumi. Makemgud se i gat nid yet blong moa volontia, mo holem sam fom blong volontia wetem yufala long miting. Sipos i gat i naf taem, tokbaot sam ekspiryens long wok blong bildim Haos Kingdom we oli bin mekem long ples blong yufala samtaem i pas.
15 menet: Lokol nid. Ridim ol toktok insaed long buk ya Ol Rul Blong Mekem Minista Wok Blong Yumi japta 5.
Singsing 120 mo laswan prea.