Miting Blong Kingdom Wok Blong Janewari
Wik We i Stat Long Janewari 3
Singsing 101
5 menet: Ol lokol mesej. Talem sam bigfala poen long ol nyufala magasin we oli stret long ol man long teritori blong yufala.
25 menet: Lokol nid. Ridim ol toktok insaed long buk ya Ol Rul Blong Mekem Minista Wok Long Yumi japta 6.
15 menet: “Halpem Ol Narafala Blong Gat Fasin Tangkyu From Ol Gudfala Samting Long Ol Buk Blong Yumi.” Tokbaot haf ya wetem kongregesen. Mekem sam sot pleplei long paragraf 3 mo 4.
Singsing 116 mo laswan prea.
Wik We i Stat Long Janewari 10
Singsing 147
10 menet: Ol lokol mesej mo ol advaes long Kingdom Wok Blong Yumi.
15 menet: ?Yu Rere Blong Fesem Wan Sik No Akseden We i Traem Bilif Blong Yu? Wan tok we i wekemap tingting we wan elda we i naf i mekem blong halpem ol brata blong gat fasin tangkyu long proteksen we “Advance Medical Directive/Release card” i save givim. Long sam asembli “Tijing Blong God”, oli moa long 50 pesen blong ol kad ya we oli soem blong kasem nyufala buk oli no gat saen blong man long hem, i no gat wetnes, no det blong hem i pas finis. Seremaot ol nyufala kad long ol pablisa nomo we oli baptaes finis, afta lukluk long leta blong Novemba, 15, 1991 long rod blong fulumap ol kad ya. Talem long ol brata blong oli NO fulumap kad long naet ya be karem i go long haos, mo tingbaot nid blong olgeta long prea, afta oli fulumap. Be OLI NO MAS SAENEM kad ya long taem ya we oli fulumap. Karem kad ya we oli fulumap finis i go long nekis Buk Stadi blong Kongregesen, long ples ya bambae elda i givhan blong luk sipos ol kad oli gat saen blong man long hem, i gat wetnes, mo i gat det long hem. Brata we i lukaot long buk stadi bambae i yusum wan lis we oli jes mekem blong mekem sua se evriwan long grup blong hem oli mekem samting ya. (Oli save givhan long ol papa mama we oli baptaes finis blong fulumap Aedentiti kad blong ol pikinini blong olgeta.) Eniwan we i no stap long buk stadi ya, ol elda/Brata we i lidim buk stadi blong olgeta oli save givhan long hem long nekis miting blong Kingdom wok go kasem we olgeta pablisa we oli baptaes finis oli gat kad we oli fulumapgud mo i gat saen blong olgeta long hem. Ol elda oli mas gat lis blong olgeta we oli stap yet mo traem blong fulumap ol kad kwiktaem nomo.
20 menet: “Gobak Blong Bildimap Fasin Tangkyu.” Toktok wetem ol man we oli stap lesin. Soem visit bakegen long wan man we i akseptem buk we yumi givimaot long manis ya, yusum tingting we i stap long paragraf 5.
Singsing 154 mo laswan prea.
Wik We i Stat Long Janewari 17
Singsing 167
10 menet: Ol lokol mesej mo ripot blong ol kaon. Mo talem tangkyu long presen mane. Talem tangkyu long ol pablisa from presen mane we oli givim blong sapotem wok blong Sosaeti mo ol wok blong kongregesen tu. Talem bakegen long olgeta we oli no fulumap yet “Advance Medical Directive/Release card” blong olgeta blong fulumap long naet ya, oli save askem elda we i lukaot long buk stadi blong olgeta no wan narafala elda blong givhan long olgeta.
20 menet: “Taem Yumi Wok long Teritori We Yumi Wok Long Hem Plante Taem Finis.” Elda we i lukaot long wok blong prij i mekem haf ya wetem kwestin mo ansa. Long ol kongregesen we oli wok plante taem finis long teritori, mekem wan pleplei long wan long olgeta fastok we i stap long paragraf 4 mo 5 blong Reasoning buk no wan stret fastok we i stap long paragraf 6 mo 7 no wan we oli rere long hem speseli blong lokol teritori. Long ol kongregesen we oli no prij plante long teritori blong olgeta, oli save yusum Reasoning buk no sam narafala stret fastok taem oli mekem pleplei. Ol pleplei oli mas reregud fastaem.
15 menet: ?Wanem Fyuja Blong Wol? Stanap long Reasoning buk, pej 112-117 (F. p. 403-411). (5 menet) Tok we i kavremap ol poen aninit long ol stampa tok stat long pej 112 mo 113 (F. 403 mo 404), kasem ol haf long medel blong pej 114 (F. 405). (7 menet) Wan nyufala pablisa mo wan we i bigman long saed blong speret mo i gat ekspiryens oli tokbaot ol save we oli stap long pej 114-116 (F. 405-406). Sam famle blong wan nyufala pablisa we oli no stap long trutok oli tok strong long hem se Baebol i talem se wol ya bambae i lus. Nyufala pablisa i askem help long pablisa we i gat ekspiryens blong kasem save long ol vas blong Baebol we oli tokbaot wol ya. (3 menet) Blong finisim, tokbaot kwestin long pej 117 (F. 408) “What kind of people will God favor with endless life on earth?” (?God Bambae i Givim Laef We i No Save Finis Long Wanem Kaen Man?). Leftemap tingting blong evriwan blong traehad blong kasem mak we oli naf blong kasem blesing ya.
Singsing 176 mo laswan prea.
Wik We i Stat Long Janewari 24
Singsing 178
5 menet: Ol lokol mesej. Leftemap tingting blong evriwan blong joen long wok blong prij long wik ya. Talemaot ol plan blong prij blong kongregesen.
10 menet: Ansa Long Wan Kwestin. Tok we olgeta we oli stap lesin oli joen long hem. Halpem evriwan blong kasem save from wanem oli save mekem samting olsem we i stap long ol tri faswan paragraf. Samtaem sam man blong haos we oli kros oli stap telefon mo oli raetem ol leta long Sosaeti, oli talem se oli bin talem long ol Wetnes blong Jeova plante taem blong no go long haos blong olgeta, be oli stap go yet long haos blong olgeta. From samting ya, taem yumi joen long wok blong prij long ol haos wanwan, yumi mas mekem sua se yumi jekem envlop blong teritori mo raetem daon ol haos we ol man blong hem oli bin askem yumi blong no moa go long olgeta.
15 menet: Tok we wan elda i yusum haf blong Ol Rul Blong Mekem Minista Wok Long Yumi, stat long pej 58 kasem faswan stampa tok long pej 62.
15 menet: Wok Blong Prij Blong Kongregesen. Elda we i lukaot long wok blong prij wetem wan narafala elda oli lukluk bakegen wok blong kongregesen long ol fo manis we oli pas (Septemba-Desemba). ?Olsem wanem long kongregesen? Talem sam gudfala toktok we i kamaot long hat long ol samting we kongregesen i stap wokgud long hem. Mo tu talem sam poen we kongregesen i save kam gud long hem, mo givim sam tingting we i save wok. Talem wan no tu sot ekspiryens long wok blong prij blong ol fo faswan manis blong sevis yia, we oli leftemap tingting. Finisim wetem sam gudfala poen we oli leftemap tingting. Glad blong Jisas i kamaot from hem i mekemgud minista wok blong hem. Yumi tu bambae yumi faenem bigfala glad taem yumi bisi oltaem long wok we Jeova i givim long yumi.—Jon 4:34; 1 Kor. 15:58.
Singsing 179 mo laswan prea.
Wik We i Stat long Janewari 31
Singsing 186
10 menet: Ol lokol mesej. Leftemap tingting blong evriwan blong joen long wok blong prij long wiken blong gat sam gudfala stat long manis ya. Givim sam gudfala tingting we oli givhan blong seremaot ol nyufala magasin.
25 menet: “Go Long Ol Miting—Wan Impoten Responsabiliti.” Kwestin mo ansa. Blong joen wetem paragraf 2, askem kwestin long sam pablisa we oli bin winim sam traem blong oli save kam oltaem long ol miting.
10 menet: Ol lokol nid. No tok we wan elda i mekem we i stanap long Wajtaoa, Oktoba 1, 1993, pej 22-25, long haf ya “Stret Tingting Long Fasin Sore Blong God.”
Singsing 188 mo laswan prea.