Advaes

◼ Buk we bambae yumi yusum long Febuwari: Yu Save Laef Foreva Long Paradaes Long Wol. Maj: Revelation​—⁠Its Grand Climax At Hand! Epril mo Mei: Sabskripsen blong Wajtaoa mo Wekap! magasin.

◼ Sekretari mo elda we i lukaot long wok blong prij oli jekem bakegen wok blong ol fultaem paenia. Sipos samfala oli faenem i had blong kasem ol haoa blong olgeta, ol elda oli mas mekem plan blong givhan long olgeta. Blong kasem sam tingting, luk bakegen leta blong Sosaeti (S-201) blong Oktoba 1, 1993, mo Desemba 1, 1992. Mo tu, lukluk paragraf 12-20 blong haf insaed long Kingdom Wok Blong Yumi blong Septemba 1986.

◼ Lafet blong Memoriol bambae i stap long Sarede, Maj 26, 1994. Nating se tok i save stat eli, plis rimemba se yufala i no mas pasem bred mo waen blong Memoriol bifo san i godaon. Jekem ples blong yufala blong save wetaem san i stap godaon. I no mas gat narafala miting long dei ya, miting blong prij nomo. Sipos kongregesen i gat miting oltaem long Sarede, maet i gud blong jenisim i go long wan narafala dei blong wik ya sipos yufala i save yusum Haos Kingdom.

◼ Ol pablisa we oli wantem mekem wok blong haftaem paenia long Maj mo Epril oli mas mekem plan blong olgeta naoia mo givim fom blong olgeta kwiktaem. Samting ya bambae i givhan long ol elda blong mekemgud ol plan blong wok blong prij mo luk se i gat inaf buk i stap.

◼ Sosaeti i wokem bakegen wan narafala disket blong kompyuta we i rere: GetVerse. Nyufala program ya i letem man we i yusum blong putum ol vas blong Baebol i go stret nomo long DOS wod prosesa. Samting ya i givhan bigwan taem yu mekemrere ol tok no taem yu mekem lis blong ol vas blong Baebol. I gat GetVerse long Engglis nomo long wan 5 1/4-inj 360-kilobaet no 3 1/2-inj 720-kilobaet disket. Blong yusum program ya yu mas gat finis wan kopi blong New World Translation of the Holy Scriptures​—⁠With References no New World Translation of the Holy Scriptures​—⁠With References/Insight on the Scriptures we oli putum finis mo i stap wok long kompyuta blong yu.