Kingdom Wok Blong Yumi Blong Febuwari
Wik We i Stat Long Febuwari 7
Singsing 131
10 menet: Lokol mesej mo jusumaot sam Advaes long Kingdom Wok Blong Yumi. Mekem pleplei olsem wanem blong seremaot ol nyufala magasin. Tingtingbak long ol stampa poen long Ansa Long Wan Kwestin.
20 menet: “Ol Man Long Wol Oli No Laekem Yufala Oli Agens Long Yufala.” Wan elda we i gat ekspiryens i mekem tok ya.
15 menet: “Wokem Intres Long Kingdom Blong God We i Givim Pis.” Tokbaot atikol ya wetem ol man we oli lesin. Mekem tu pleplei. Afta we yu tokbaot paragraf 2, soem olsem wanem blong seremaot traket long man blong haos we i bisi. Pablisa i askem kwestin wetem respek we i putum fandesen blong visit bakegen. Mekem pleplei long paragraf 3 we man blong haos i soem intres mo pablisa i yusum buklet. Bakegen, hem i mas putum fandesen blong nekis visit.
Singsing 137 mo laswan prea.
Wik We i Stat Long Febuwari 14
Singsing 126
10 menet: Lokol mesej. Ripot blong ol kaon. Talemaot se Sosaeti i glad long presen mane we kongregesen i sanem, mo talem tangkyu long kongregesen from gudfala sapot blong olgeta long ol nid blong kongregesen. Leftemap tingting blong joen long wok blong prij long wiken, mo talemaot ol plan blong wok blong prij.
20 menet: “Givhan Blong Gru Tru Long Visit Bakegen We i Gat Mining.” Tok wetem kwestin mo ansa. Mekem wan pleplei long visit bakegen we i stanap long paragraf 3. Poenemaot nid blong fasin luksave blong no kavremap tumas poen long taem blong visit, mo soem se i impoten blong mekem man i intres long nekis visit.
15 menet: “!I Gud Long Yumi Blong Tingbaot Wanem We Jeova i Bin Mekem!” Tok wetem kwestin mo ansa long paragraf 1-11 long haf ya we i stap insaed long Kingdom Wok. Tu brata we oli stap ridim buk wanwan no wetem famle oli save mekemrere tu komen. Askem tufala blong talem samting we oli glad blong lanem from buk ya.
Singsing 122 mo laswan prea.
Wik We i Stat Long Febuwari 21
Singsing 198
10 menet: Lokol mesej. Tiokratik nyus.
20 min: “!Yumi Leftemap Fasbon Blong Jeova!” Kwestin mo ansa. Wan elda i mekem tok we i gat glad mo filing long hem. Hem i leftemap tingting blong evriwan blong mekem lis blong ol man we bambae oli invaetem olgeta blong kam long Memoriol mo long nekis pablik tok we kongregesen i gat oltaem. Mekem wan pleplei long ol poen long paragraf 7. Wan pablisa i go toktok wetem wan man we i kam long Haos Kingdom we i stap lukluk raon. Pablisa i faenemaot se wan famle blong man ya i pulum hem blong kam long Memoriol. Pablisa i askem man ya blong sidaon wetem hem mo famle blong hem blong oli save serem Baebol mo buk blong singsing tugeta. Pablisa i talem se bambae hem i save ansa long eni kwestin we maet man ya i save gat afta long miting. Blong finisim haf ya talem stret taem we kongregesen bambae i mekem lafet blong Memoriol.
15 menet: Baebol—Stampa Buk Blong Leftemap Tingting Blong Yumi. Reasoning buk, pej 117-121 (F.119-122). Wan elda i mekem tok ya. Plante man insaed mo afsaed long kongregesen oli nidim gudfala toktok blong leftemap tingting blong olgeta. Soem olsem wanem wanwan pablisa long kongregesen i save yusum Tok blong God blong leftemap tingting blong ol narafala.
Singsing 208 mo laswan prea.
Wik We i Stat Long Febuwari 28
Singsing 219
5 menet: Lokol mesej. Soemaot olsem wanem blong yusum buk we bambae yumi seremaot long Maj.
15 menet: “!I Gud Long Yumi Blong Tingbaot Wanem Jeova i Bin Mekem!” Tokbaot paragraf 12-20 blong haf insaed long Kingdom Wok wetem kwestin mo ansa. Askem tu pablisa we buk ya i bin givhan long olgeta taem oli ridim blong rere tu komen.
15 menet: “Sapotem Fulwan Program Blong Pablik Miting Blong Kongregesen Blong Yufala.” Wan tok, be i save gat wan no tu kwestin we brata i askem long ol man we oli lesin. Eksplenem olsem wanem blong mekem welkam long ol man we oli soem intres we oli kam long Pablik Miting long fastaem blong olgeta. Askem wan pablisa blong rere long wan komen we i soemaot olsem wanem fasin blong hem blong kam long Pablik Miting evritaem i givhan long hem.
10 menet: “Lukaot Long Fasin Kaen We i Wan Mastik.” Wan tok.
Singsing 197 mo laswan prea.