Miting Blong Kingdom Wok Blong Septemba
Wik We i Stat Long Septemba 5
Singsing 5
10 menet: Lokol mesej mo sam stret Advaes long Kingdom Wok Blong Yumi.
20 menet: “Mekem Moa Long Nambawan Wok Blong Yu Long Saed Blong Kingdom.” Elda we i lukaot long wok blong prij mo wan narafala elda oli storeyan long ol bigfala poen blong atikol ya. Lukluk bakegen long wok blong kongregesen long yia we i jes pas, talem sam tok blong leftemap tingting mo sam poen blong kamgud moa. Makemgud olsem wanem yumi wanwan i save putum mak blong joen moa long minista wok.
15 menet: “Wokem Intres Long Laef Foreva Buk.” Tri no fo pablisa, wetem wan yangwan, oli storeyan long atikol ya mo afta oli mekem pleplei olsem we oli stap lanem long haos. Oli soemaot tu no tri fasin blong storeyan mo afta oli tokbaot bakegen, oli givim long olgeta wanwan sam advaes we oli save wok mo toktok blong leftemap tingting.
Singsing 32 mo laswan prea.
Wik We i Stat Long Septemba 12
Singsing 54
7 menet: Lokol mesej.
20 menet: “Yearbook—Wan Nambawan Samting Blong Leftemap Tingting.” Famle i yusum nyufala Yearbook. Hed blong famle i lidim ol memba blong famle long wan storeyan we i gat laef, blong luk bakegen long fastok we i stap long ol faswan pej blong 1994 Yearbook. Blong finisim, hem i soem olsem wanem oli save mekem plan, blong famle i ridim sam pej blong Yearbook evri wik.
18 menet: “Oli No Kam Slak Blong Prij.” Kwestin mo ansa. Soemaot se nating se yumi evriwan i no save spenem sem namba blong haoa long minista wok, yumi mas glad from mo traehad blong wok wetem fulhat blong yumi long hem.
Singsing 60 mo laswan prea.
Wik We i Stat Long Septemba 19
Singsing 36
10 menet: Lokol mesej. Ridim ripot blong kaon mo talem tangkyu long presen mane.
15 menet: Ansa Long Wan Kwestin. Kwestin mo ansa. Soemaot gudfala frut we i save kamaot taem yumi joen blong givim ansa long ol miting.
20 menet: “Statem Ol Baebol Stadi Wetem Laef Foreva Buk.” Kwestin mo ansa. Rere long tu pleplei we oli yusum ol fasin blong storeyan we oli stap ya.
Singsing 67 mo laswan prea.
Wik We i Stat Long Septemba 26
Singsing 44
10 menet: Lokol mesej. Askem ol man we oli lesin blong talem sam sot ekspiryens we oli gat, taem oli seremaot Laef Foreva buk no oli statem ol stadi long hem.
15 menet: Lokol nid. Sipos no, givim wan tok we i stanap long atikol ya “?Ol Mak We Yu No Mas Bitim Oli Mekem Tingting Blong Yu i Foldaon?” long Septemba 1, 1994, Wajtaoa, pej 27-28.
20 menet: Seremaot Wajtaoa mo Wekap! long Oktoba. Ol magasin blong yumi oli mekem wan bigfala wok long saed blong wok blong prij long olgeta ples long wol; plante milyan man oli bin harem trutok long fastaem tru long tufala magasin ya. Makemgud se i impoten blong gohed blong yusum olgeta oltaem mo blong seremaot olgeta long wok blong prij long ol haos wanwan nating se yumi stap seremaot ol narafala buk tu. Talem from wanem Dei blong Seremaot Magasin evri wik i gud. Tokbaot olsem wanem wok blong prij long rod mo ol stoa i givim plante jans blong seremaot ol magasin ya. Talem bakegen long ol brata blong raetemdaon weples oli bin seremaot ol magasin, wetem mak blong askem sabskripsen mo statem wan rod blong magasin. Eksplenem se yumi save mekem sabskripsen long visit bakegen, ol Baebol stadi, taem yumi visitim ol fren no ol memba blong famle. Plante man long ol aelan no bus oli laekem blong ridim ol magasin blong yumi. Mekem sam presen sabskripsen tru long leta we yumi sanem long olgeta. Long ripot blong yumi, yumi save kaontem taem we yumi spenem blong raetem leta long ol man we oli stap long ol ples farawe. Mekem tri pleplei, faswan, wan yangfala i soemaot kwiktaem olsem wanem blong seremaot magasin mo askem sabskripsen, namba tu, raetem leta long ol man we oli stap long ol ples farawe, namba tri, holem jans blong prij taem hem i yusum ol magasin blong yumi.
Singsing 76 mo laswan prea.