Advaes

◼ Buk blong seremaot long Septemba: Yu Save Laef Foreva Long Paradaes Long Wol. Oktoba: Mekem sabskripsen long Wajtaoa mo Wekap! Novemba: New World Translation of the Holy Scriptures wetem Trutok buk. Desemba: Man We i Hae Moa Long Olgeta Man.

◼ Presiden elda no wan narafala we hem i jusum i mas jekem kaon blong kongregesen long Septemba 1 no kolosap biaen long dei ya. Talemaot long kongregesen se yufala i bin mekem samting ya.

◼ Ol pablisa we oli plan blong mekem haftaem paenia long Oktoba oli mas fulumap fom blong olgeta kwiktaem. Samting ya bambae i mekem i isi long ol elda blong mekem plan long saed blong ol buk mo teritori.

◼ Sosaeti i pulum tingting blong ol elda blong luk bakegen ol advaes long pej 21-23 blong Epril 15, 1991, Wajtaoa (Engglis mo Franis), long saed blong eni man we kongregesen i bin sakemaot no hem wan nomo i bin kamaot long kongregesen, be naoia hem i wantem kambak bakegen long kongregesen.

◼ Sosaeti i rere finis wan nyufala Watchtower Lis Blong Ol Buk mo oli sanem fo kopi i go long wanwan kongregesen. Wanwan long olgeta i mas go long sekretari mo long ol brata we oli lukaot long ol buk, magasin, mo kaon.