Miting Blong Kingdom Wok Blong Maj
Wik we i Stat Long Maj 6
Singsing 25
10 menet: Lokol mesej mo sam Advaes long Kingdom Wok Blong Yumi.
17 menet: “God i Givim Plante—Yumi Mas Mekem Plante.” Kwestin mo ansa. Leftemap tingting blong olgeta we oli naf, blong mekem haftaem paenia long Epril.
18 menet: “Talemaot ‘Ol Profet Tok.’ ” Tokbaot ol bigfala poen. Singaot sam man blong talem ekspiryens we oli kasem taem oli yusum no seremaot Revelation Climax buk. Pulum evriwan blong gat positif tingting blong seremaot buk ya, from we hem i tokbaot ol samting we evriwan i mas tingbaot naoia. Mekem wan no tu pleplei.
Singsing 31 mo laswan prea.
Wik we i Stat Long Maj 13
Singsing 24
12 menet: Lokol mesej. Toktok smol long ol poen long haf ya “Sekretari Mo Elda We i Lukaot Long Wok Blong Prij i Mas Tingbaot Samting Ya.” Ripot blong ol kaon.
15 menet: “Long Ful Wol Yumi Givimaot Kingdom Nyus Ya We i Stret Long Taem Blong Yumi.” Wan elda i mekem tok. Makemgud impoten spesel wok ya long Epril mo Mei. Pulum olgeta evriwan, mo ol nyuwan tu, blong mekem plan blong joen fulwan long wok ya.
18 menet: “Gobak Long Skul.” Kwestin mo ansa. Tokbaot ol problem we ol yangfala oli fesem mo olsem wanem ol papa mama oli save halpem ol pikinini blong olgeta.
Singsing 36 mo laswan prea.
Wik we i Stat Long Maj 20
Singsing 40
15 menet: Lokol mesej. Mekem pleplei olsem wanem famle i save yusum 1995 Yearbook. Wan famle i talem ol tok blong soem tangkyu from buk ya. Blong smoltaem, Papa i tokbaot ol bigfala poen long fastok long pej 3 kasem 11. Famle ya i talem se bambae oli traem blong ridim sam pej blong Yearbook tugeta evri wik, mo bambae oli storeyan evri dei long vas blong Baebol we i stap long Ridimgud Ol Tok Blong Baebol Evri Dei.
15 menet: Lokol nid. Sipos no, wan tok long haf ya “Long Man We i Tekem Takis, Yufala i Mas Pem Takis,” long Wajtaoa blong Novemba 15, 1994, pej 26 kasem 28.
15 menet: “Halpem Ol Narafala Blong ‘Folem Ol Tok We God i Givim.’ ” Tokbaot ol bigfala poen long haf ya, mo biaen mekem wan no tu pleplei long saed blong visit bakegen.
Singsing 52 mo laswan prea.
Wik we i Stat Long Maj 27
Singsing 205
5 menet: Lokol mesej.
12 menet: “Samting We i Moa Impoten Bitim Ol Narafala Samting Long Histri.” Kwestin mo ansa. Tokbaot ol plan long eria blong yufala long saed blong Memoriol. Eksplenem from wanem yumi nidim blong singaot ol man we oli intres mo halpem olgeta blong kam.
18 menet: Kristin Fasin Long Skul. Wan elda i storeyan wetem tri no fo yangfala. Long skul, ol yangfala blong yumi oli kasem plante traem blong pulum olgeta blong no moa ona long ol rul blong Baebol. Plante long ol traem ya oli kamaot taem oli no stap long klasrum. Spot, fasin blong gat gelfren no boefren, mo ol lafet blong ol yangfala, oli mekem plante denja oli kamaot. Elda i toktok wetem ol yangfala ya long haf ya blong School buklet, “Ol Wok Afsaed Long Klasrum” (Extracurricular Activities) pej 22 kasem 25. Ol yangfala oli tokbaot ol traem we oli kasem blong pulum olgeta blong joen long ol samting ya, mo talem tangkyu from advaes ya.
10 menet: Mekem ol sabskripsen blong Wajtaoa mo Wekap! long Epril. Long teritori we yumi wok long hem plante taem, yumi save seremaot eni buklet tu. Tokbaot ol poen ya we oli save givhan taem yumi askem man long evri haos blong mekem sabskripsen: Smael. Glad blong toktok wetem man. Toktok slou. Tokbaot wan haf nomo long wan magasin. Eksplenem fasin blong mekem sabskripsen. Talem se hem i save kasem blong 6 manis no wan yia mo talem praes. Sipos man blong haos i no wantem sabskripsen, soem ol magasin long hem. Talem long hem se bambae yu kambak bakegen wetem ol nyufala magasin. Sipos man i no wantem ol magasin, yusum wan positif lastok. Raetemdaon nem blong ol man we yu livim magasin wetem olgeta. Laswan samting, mekem wan no tu sot pleplei olsem wanem blong mekem sabskripsen wetem ol nyufala magasin.
Singsing 176 mo laswan prea.