Miting Blong Kingdom Wok Blong Mei
Wik We i Stat Long Mei 1
Singsing 43
10 menet: Lokol mesej mo sam Advaes long Kingdom Wok Blong Yumi.
15 menet: “Gud Nyus Blong Ol Man We Oli Gat Tingting Daon.” Tokbaot haf ya mo askem sam kwestin long olgeta we oli lesin. Afta, mekem wan no tu pleplei long ol rod blong storeyan.
20 menet: “Wan Spesel Kingdom Nyus Blong Evriwan.” Elda we i lukaot long wok blong prij i givim wan tok mo askem sam kwestin long olgeta we oli lesin. Tokbaot wok we yumi mekem finis blong seremaot Kingdom Nyus. Makem gudfala fasin blong evriwan blong sapotem wok blong prij, mo ol nyuwan we oli joen long wok blong prij blong fastaem. Talem hamas teritori we yumi kavremap finis. Leftemap tingting blong evriwan blong mekem wan spesel fasin traehad blong seremaot olgeta Kingdom Nyus we oli holem yet. Makem se i impoten blong raetemdaon ol man we oli intres mo visitim olgeta bakegen blong traem statem ol Baebol stadi. Mekem pleplei long rod blong storeyan we i stap ya.
Singsing 55 mo laswan prea.
Wik We i Stat Long Mei 8
Singsing 61
15 menet: Lokol mesej. “!Yu Tu Yu Save Gat Ol Gudfala Ekspiryens!” Sipos i gat taem, singaot sam man blong talem sam ekspiryens we oli leftemap tingting, we oli kamaot taem oli stap seremaot Kingdom Nyus.
15 menet: Lokol nid. Sipos no, wan tok long haf ya “Wanem We Ol Kristin Oli Mekem Taem Ol Man Oli Tok Agens Long Olgeta,” long Wajtaoa blong Epril 1, 1995, pej 26 kasem 29.
15 menet: “?From Wanem Yumi Mas Raetemdaon Ol Haos We Oli No Gat Man?” Kwestin mo ansa.
Singsing 60 mo laswan prea.
Wik We i Stat Long Mei 15
Singsing 54
10 menet: Lokol mesej. Ripot blong ol kaon.
17 menet: “Folem Man We i Soemaot Rod Long Yumi Olsem Ol Man Blong Karem Laet.” Kwestin mo ansa.
18 menet: Lokol nid. Sipos no, wan tok long Wajtaoa Janewari 1, 1995, pej 27 kasem 31. “Faenemaot Slak Fasin, Fasin Nogud, Mo Fasin Blong Tanem Tingting From Sin.”
Singsing 45 mo laswan prea.
Wik We i Stat Long Mei 22
Singsing 66
10 menet: Lokol mesej. Leftemap tingting blong evriwan blong mekem wok blong haftaem paenia long ol manis we oli stap kam. Tokbaot ol mak we man i mas kasem blong joen long wok ya, we oli stap long buk ya Ol Rul Blong Mekem Minista Wok Blong Yumi, pej 113 mo 114.
18 menet: “Wok Blong Makem Ol Man We i Sevem Laef Blong Olgeta.” Kwestin mo ansa. Mekem wan no tu pleplei blong soem olsem wanem yumi save mekem ol visit.
17 menet: Lokol nid. Sipos no, wan tok long Wajtaoa blong Desemba 1, 1994, pej 28 kasem 30, long haf ya “Respektem Narafala From Wok We Hem i Mekem—Wan Stampa Samting We Man i Nidim.”
Singsing 74 mo laswan prea.
Wik We i Stat Long Mei 29
Singsing 79
15 menet: Lokol mesej. Givim sam advaes we i leftemap tingting blong ol pablisa blong traem ridim wan vas blong Baebol long ol storeyan blong olgeta long ol haos. Plante man oli gat respek long Baebol mo oli rere blong lesin taem wan man i ridim long olgeta. Advaes blong Baebol i gat paoa mo i save pusum man we i gat gudhat. Maet i gud blong holem wan Baebol long han blong yumi taem yumi go long ol haos. Yumi mas ridim ol vas wetem filing, mo ridgud.—Lukluk School Guidebook, pej 32 mo 33 haf 12 kasem 15.
12 menet: Ansa Long Wan Kwestin. Kwestin mo ansa. Eksplenem from wanem yumi kasem moa samting from ol miting taem yumi mekemrere, mo taem yumi karem ol buk we yumi yusum long ol miting.
18 menet: Seremaot Buk ya Man We i Hae Moa Long Olgeta Man Long Jun. Talemaot sam toktok blong ol man we oli intres we oli laekem buk ya. (Lukluk Wajtaoa, Febuwari 15, 1992, pej 19 mo 20; Wekap! Febuwari 22, 1992, pej 32.) Wan pablisa we i nafgud i save mekem wan pleplei long rod blong storeyan we i stap long Kingdom Wok Blong Yumi, Desemba 1994, pej 8. Plante taem yumi save seremaot ol buk ya Laef Foreva mo Trutok wetem ol sot rod blong storeyan nomo. Talem long evriwan blong kasem naf buk blong yusum long wok blong prij long wiken we i kam.
Singsing 63, mo laswan prea.