Miting Blong Kingdom Wok Blong Febuwari
Wik We i Stat Long Febuwari 5
Singsing 96
10 menet: Lokol mesej. Sam Advaes long Kingdom Wok Blong Yumi. Tiokratik Nyus.
15 menet: “Talemaot Trutok Evri Dei Folem Eksampel Blong Jisas.” Kwestin mo ansa. Ridim haf 5.
20 menet: “Revelesen—Wan Rod Blong Faenem Trufala Glad.” Tokbaot ol rod blong storeyan we oli stap ya, mo mekem wan no tu pleplei.
Singsing 14 mo laswan prea.
Wik We i Stat Long Febuwari 12
Singsing 191
10 menet: Lokol mesej. Ripot blong ol kaon.
13 menet: “Mekemrere Blong Seremaot Ol Magasin Long Epril.” Tokbaot from wanem Wajtaoa mo Wekap! oli nambawan blong talemaot gud nyus. Ridim tufala paragraf long haf ya, mo talemaot ol plan blong kongregesen blong mekem se Epril i wan spesel manis blong seremaot ol magasin.
22 menet: “?Olsem Wanem Mi Save Pulum Ol Man Blong Lesin?” Kwestin mo ansa. Tu pablisa oli storeyan long ol rod we bambae oli yusum blong soemaot kaen fasin long ol toktok blong olgeta long wok blong prij. Oli save yusum sam advaes long School Guidebook, pej 165 kasem 167, haf 10 kasem 21.
Singsing 133 mo laswan prea.
Wik We i Stat Long Febuwari 19
Singsing 72
10 menet: Lokol mesej.
15 menet: “Kasem Ol Gudfala Samting From Tiokratik Skul Long 1996—Haf 2.” Brata we i lukaot long skul i givim tok ya. Makemgud se yumi nidim blong ridim Tok blong God evri dei.
20 menet: “Givhan Long Olgeta Blong Kasem Save.” Tokbaot ol rod blong mekem visit bakegen we haf ya i talem. Elda i storeyan wetem tu no tri pablisa long sam poen long Revelesen buk, mo olsem wanem yumi save tokbaot ol poen ya. Mekem wan no tu pleplei. Givim advaes olsem wanem blong mekem intres i gru gogo yumi save statem wan Baebol stadi long buk ya, Save Blong Lidim Yu Long Laef We i No Save Finis.
Singsing 53 mo laswan prea.
Wik We i Stat Long Febuwari 26
Singsing 28
10 menet: Lokol mesej.
15 menet: Mekemrere Ol Rod Blong Storeyan We Oli Pulum Ol Man. Brata we i lukaot long wok blong prij no wan narafala elda, i storeyan wetem tu no tri pablisa from wanem i gud blong yusum ol rod blong storeyan we oli stret long laef blong ol manples. Eksampel, ol ripot long nyus long saed blong sam spesel wok blong ol man blong traem mekem laef i moa isi, stretem ol trabol long mared we i stap kam antap, trabol wetem ol stronghed pikinini, trabol blong faenem wan wok, no wan narafala nyus we i soem from wanem ol man oli no moa trastem ol plan we ol lida blong politik mo skul oli mekem blong blokem ol trabol ya. Tokbaot sam nyus long ples blong yu, mo tokbaot olsem wanem blong yusum nyus ya blong statem ol storeyan.
20 menet: Long Maj, Seremaot buk ya Save Blong Lidim Yu Long Laef We i No Save Finis. Tokbaot sam poen long buk we yumi save yusum blong statem ol storeyan. (1) Tokbaot sam gudfala pija, olsem hemia long pej 4 mo 5, 86, 124 mo 125, 188 mo 189. (2) Soem ol kwestin long en blong ol wanwan japta, mo eksplenem olsem wanem blong yusum olgeta olsem stampa blong storeyan blong yumi. Yumi save askem long man blong haos sipos hem i wantem save ansa long ol kwestin ya. Jusum sam kwestin long pej 11, 22, 61, 149. (3) Tokbaot bokis long pej 102, soem olsem wanem blong yusum “Sam Saen Blong Ol Las Dei” blong pulum tingting blong man. (4) Tokbaot spesel fasin we oli yusum blong wokem buk ya blong mekem se ol stadi oli gohed kwiktaem. Ol japta oli sot, i isi blong kasem save long ol poen, ol vas oli gat paoa, mo ol kwestin oli go stret long ol stampa poen. Talem long evriwan blong seremaot buk ya wetem tingting blong statem ol nyufala stadi.
Singsing 151 mo laswan prea.