Miting Blong Kingdom Wok Blong Septemba
Wik We i Stat Long Septemba 6
Singsing 190
10 menet: Lokol mesej. Sam Advaes long Kingdom Wok Blong Yumi.
17 menet: “?Yu Yu Wok Wetem Wan Stamba Tingting?” Fastok i no mas bitim wan menet, mo gohed wetem kwestin mo ansa. Tokbaot sam poen long buk ya Ol Rul Blong Mekem Minista Wok Blong Yumi, pej 84 mo 85. Leftemap tingting blong evriwan blong prij folem oda mo blong kavremap gud teritori.
18 menet: “Ol Papa Mama—Soem Gudfala Eksampel Long Ol Pikinini Blong Yufala.” Wan elda i mekem wan sot fastok, mo biaen tu brata we tufala i papa, tufala i storeyan tugeta long saed blong haf ya. Tufala i soemaot se i impoten blong protektem ol pikinini from ol samting we oli nogud fasin mo tingting we oli save kasem long skul, televisin, wetem ol memba blong famle we oli no Witnes blong Jeova mo sam narafala bakegen. Tufala i save tokbaot ol fasin we oli no soem respek, ol toktok mo stael blong klos we i stap long wol ya, mo ol pleplei we oli nogud. Afta we tufala i tokbaot nid blong soem wan gudfala eksampel, tufala i storebaot sam rod blong mekem ol pikinini oli glad moa long famle stadi, ol miting blong kongregesen, mo wok blong prij.—lukluk Wekap! blong Septemba 22, 1991, pej 8 mo 9 (Engglis mo Franis).
Singsing 101 mo laswan prea.
Wik We i Stat Long Septemba 13
Singsing 171
10 menet: Lokol mesej. Ripot blong ol kaon.
15 menet: ?Olsem Wanem Long Wok Blong Yumi Las Yia? Elda we i lukaot long wok blong prij i givim tok ya. Tokbaot sam bigfala poen long ripot blong kongregesen blong sevis yia 1999. Talem sam gudfala toktok from wok we kongregesen i mekem. Tokbaot sam long ol samting we yumi nidim blong wok moa long hem. Soemaot olsem wanem kongregesen i sapotem ol miting mo wok blong mekem ol Baebol stadi. Putum sam gudfala mak we bambae yumi traem blong kasem long niufala yia we i kam.
20 menet: “Tijimgud Ol Man Taem Yumi Prij Long Ol Haos Wanwan.” Kwestin mo ansa. Soemaotgud se i impoten blong frengud fastaem wetem man blong haos. Mekem wan pleplei we i rere gud.
Singsing 140 mo laswan prea.
Wik We i Stat Long Septemba 20
Singsing 193
12 menet: Lokol mesej mo sam stori blong prij.
18 menet: Lokol nid.
15 menet: Yusumgud buk ya Creator. Wan tok wetem pleplei. Kingdom Wok Blong Yumi blong Epril 1999 i eksplenem se yumi save seremaot buk ya Creator long enitaem blong yia. Yumi save givim buk ya long olgeta man (1) we oli no bilif long God, no (2) long olgeta we oli bilif long God be long tingting blong olgeta oli no sua se hem i hu, wanem ol fasin blong hem mo stamba tingting blong hem. Yumi save yusum ol kwestin mo toktok we oli stap long bak blong buk blong wekemap tingting blong man mo pulum hem blong ridim buk ya. No yumi save yusum pej 152. Maet wan pablisa i askem se: “?Long weples yumi save faenem ol nambawan advaes we oli save stretem ol bigfala problem blong yumi?” Ale, hem i save soem long man olsem wanem sam haeman oli tinghae long Bigfala Toktok blong Jisas antap long hil. Askem man blong jusum wan long ol seven poen we hem i intres long hem, mo ridim sam vas we oli stap long buk. Mekem pleplei blong soemaot tufala rod ya blong seremaot buk ya Creator. Leftemap tingting blong evriwan blong karem buk ya taem yumi prij, blong seremaot long eni man we yumi ting se bambae oli intres blong ridim.
Singsing 175 mo laswan prea.
Wik We i Stat Long Septemba 27
Singsing 141
15 min: Lokol mesej. Talem long evriwan blong putum ripot blong manis Septemba. Leftemap tingting blong evriwan blong mekem plan blong joen fulwan long wok blong seremaot magasin long manis Oktoba. Lukluk bakegen sam long ol rod blong rerem ol gudfala fastok we oli stap long Kingdom Wok blong Oktoba 1996 pej 8. Tokbaot sam haf we yumi save yusum long ol laswan magasin we yumi kasem, mo mekem wan no tu sot pleplei.
15 menet: Ansa Long Wan Kwestin. Wan elda i givim tok ya. Tokbaot sam poen blong Kingdom Wok blong Septemba 1995, long pej 5-6, mo bokis “How Valuable Is Your Time?” long Wekap! blong Julae 22, 1997, pej 13 (Engglis mo Franis).
15 menet: “Trufala Wosip i Kam Bigwan Moa Long Is Yurop.” Wan elda i givim tok ya wetem kwestin mo ansa. Talem sam stori no pruf we i stap long ol Yearbook we oli soem se namba blong ol man i kam antap bigwan long ol kantri we haf ya i tokbaot.
Singsing 87 mo laswan prea.