Ol Miting Blong Kingdom Wok

Wik We i Stat Long Mei 13

Singsing 37

12 menet: Lokol mesej. Jusum sam Advaes long Kingdom Wok Blong Yumi. Yusum ol advaes long pej 8, mekem tu pleplei blong seremaot Wajtaoa blong Mei 15 wetem Wekap! blong Mei 22. Long tufala pleplei ya, soemaot tu defren rod blong ansa long tok we man i save sakem blong blokem yumi se: “Mi mi bisi.”​—⁠Lukluk Reasoning buk, pej 19 mo 20.

18 menet: Yangfala​—⁠Yusum Fasin Luksave Taem Yu Mekem Plan Blong Edukesen Blong Yu. Wan elda i toktok long sam papa mama we ol pikinini blong olgeta oli bigwan finis, long saed blong hae edukesen. Elda i lidim storian ya, i tokbaot Wajtaoa blong Septemba 1, 1999, pej 16 mo 17, haf 11-13. Hem i makem from wanem wok blong paenia i mas samting we i moa impoten long tingting blong ol yangfala. (Wajtaoa, Disemba 1, 1996, pej 18 mo 19, haf 13-15) Nao grup i tokbaot advaes long Wekap! (Franis mo Inglis) Maj 8, 1998, pej 20 mo 21. Oli makemgud nid blong gat fasin luksave, taem yumi skelem ol gudfala samting mo ol nogud samting we i save kamaot from hae edukesen, mo from wanem i moa gud blong kasem edukesen nomo we yumi nidim blong sapotem laef blong yumi taem yumi gohed blong mekem wok blong prij. Olgeta evriwan oli agri se oli mas letem advaes blong Jisas i lidim olgeta, hemia blong putum Kingdom i stap long fas ples long laef blong olgeta.​—⁠Mat. 6:​33.

15 menet: Lokol nid.

Singsing 115 mo laswan prea.

Wik We i Stat Long Mei 20

Singsing 13

15 menet: Lokol mesej. Ripot blong ol kaon. Tokbaot Ansa Long Wan Kwestin.

15 menet: ?Olsem Wanem Yearbook i Stap Givhan Long Yu? Wan tok wetem kwestin mo ansa. Fastaem, tokbaot ol stamba poen long “Leta Blong Hed Kampani” long pej 3-5. (Lukluk Kingdom Wok Blong Yumi blong Februari 2002.) Nao askem long kongregesen blong talemaot sam ripot mo stori blong Yearbook we samfala oli faenem se oli rili leftemap tingting blong olgeta mo mekem bilif blong olgeta i strong. Pulum olgeta evriwan blong ridim Yearbook fulwan mo blong yusum blong halpem ol Baebol stadi blong oli save gud ogenaesesen blong Jeova.

15 menet: Man We i Luksave Ol Stret Rul Blong Folem, Hem i Bigman Long Saed Blong Tingting. Wan elda i givim tok ya we i stanap long Wajtaoa blong Oktoba 15, 1997, pej 28-30.

Singsing 169 mo laswan prea.

Wik We i Stat Long Mei 27

Singsing 208

12 menet: Lokol mesej. Talem long ol pablisa blong givim ripot blong manis Mei. Yusum advaes long pej 8, askem long wan olfala pablisa blong mekem pleplei blong seremaot Wajtaoa blong Jun 1, mo askem long wan yangfala pablisa blong mekem pleplei blong seremaot Wekap! blong Epr./Jun (Bislama). Afta long wanwan pleplei, tokbaot olsem wanem i isi blong yusum wan vas long tufala storian ya.

15 menet: “?Kongregesen Blong Yufala i Gat Wan Bigfala Teritori?” Elda we i lukaot long wok blong prij i givim wan tok wetem kwestin mo ansa. (Ol kongregesen we oli no gat plante teritori oli save tokbaot haf ya “Yusumgud Taem Blong Yu,” long Kingdom Wok Blong Yumi blong Jun 1999.) Eksplenem ol teritori blong kongregesen mo wanem teritori we yumi bin wokem long yia we i pas. Eksplenem olsem wanem yumi save folem ol advaes ya long ples blong yumi. Tokbaot ol plan blong ol manis we oli kam, blong wok long teritori we yumi no bin wok plante long hem.

18 menet: “?Yu Yu Stap Yusum Buklet Wanem Blong Statem Ol Stadi?” (Evriwan i mas karem pepa we i stap insaed long Kingdom Wok Blong Yumi blong Jenuware 2002.) Fastaem, askem long wan pablisa we i rere gud, blong mekem wan pleplei olsem wanem blong statem wan stadi. Hem i save folem advaes long haf 3. Nao tokbaot sam gudfala samting long saed blong buklet ya, mo olsem wanem plan blong hem i nambawan blong statem ol stadi. Tokbaot from wanem i impoten blong tingting bak long ol fastok we oli stap long pepa we i joen wetem Kingdom Wok blong Jenuware 2002. Askem long kongregesen wanem fastok we oli faenem se i wokgud. Laswan samting, mekem bakegen pleplei ya we oli mekem finis antap.

Singsing 93 mo laswan prea.

Wik We i Stat Long Jun 3

Singsing 178

15 menet: Lokol mesej. Askem long sam pablisa blong tokbaot ol blesing we oli bin kasem taem oli joen long wok blong haftaem no fultaem paenia long manis Maj, Eprel, no Mei.

15 menet: Olsem Wanem Reasoning Buk i Yusum Ol Narafala Baebol. Wan sot tok fastaem, nao ol kwestin mo ansa. Ridim haf 2 long pej 8 blong Reasoning buk, mo tokbaot from wanem mo olsem wanem yumi mas yusum Baebol plante long wok blong prij. Soemaot lis long pej 6 we i tokbaot ol narafala Baebol, mo eksplenem from wanem yumi yusum ol narafala Baebol sam samtaem. Tokbaot ol woning we oli stap long Wajtaoa blong Oktoba 1, 1997, pej 16, haf 2, mo pej 20, haf 15. Yusum ol haf ya “Apostolic Succession,” “Images,” mo “Trinity” long Reasoning buk, mo askem kongregesen blong talem eksampol blong wan vas we yumi save skelem long ol defren Baebol blong givhan long man we yumi stap tijim hem long trutok.

15 menet: “Bilif i Pusum Yumi Blong Mekem Ol Gudfala Wok.”a Long haf 2, askem sam kwestin blong smoltaem long wan Witnes we i stap wok strong. Askem long pablisa ya blong talem olsem wanem wok blong prij i stap soemaot bilif blong hem mo i stap mekem bilif blong hem i strong.

Singsing 56 mo laswan prea.

[Futnot]