Ol Miting Blong Kingdom Wok

Wik We i Stat Long Mei 10

Singsing 193

12 menet: Lokol mesej. Jusum sam Advaes long Kingdom Wok Blong Yumi. Sipos ol fastok long pej 4 oli stret long teritori blong yufala, yusum olgeta blong mekem wan pleplei blong seremaot Wajtaoa Mei 15 mo wan pleplei blong seremaot Wekap! Mei 22. Sipos i no gat tufala magasin ya yet, yusum ol magasin we kongregesen i gat finis. Yufala i save yusum ol narafala fastok. Long tufala pleplei ya, soem tu defren rod blong ansa long tok ya: “Mi mi gat skul finis.”​—⁠Lukluk buklet ya Storian Long Baebol, pej 9.

13 menet: “Yusum Buk Ya Wosipim God Blong Mekem Ol Baebol Stadi.” Tok wetem sam kwestin mo ansa. Makem sam poen long pej 2 blong buk ya, long haf ya “Long Yufala We i Ridim Buk Ya.” Askem sam kwestin long wan no tu pablisa we oli karem gudfala frut taem oli yusum buk ya long wok blong prij.

20 menet: “ ‘Traem Openem Hat Blong Yu Moa.’ ”a Talem sam poen we oli kamaot long buk ya Wosipim God, pej 150, haf 14.

Singsing 18 mo laswan prea.

Wik We i Stat Long Mei 17

Singsing 188

10 menet: Lokol mesej.

15 menet: “Talem Tangkiu Long Jeova.”b Sipos i gat taem, askem samfala long kongregesen blong tokbaot ol vas we oli stap. Taem yu tokbaot haf 3, askem wan no tu pablisa we oli jes bin mekem wok blong haftaem paenia, blong tokbaot ol blesing we oli kasem long wok ya.

20 menet: Yumi Tingbaot Narafala. (1 Kor. 12⁠:​25, 26) Wan tok wetem sam kwestin mo ansa. Haf ya i stanap long buk ya Minista Wok Blong Yumi, pej 152-153, aninit long smol stamba tok ya “Yumi Tingbaot Olgeta.” Nating se ol man blong Jeova oli stap olbaot long wol, be oli stap joengud. Yumi evriwan i mas prea from ol brata sista blong yumi evri dei. Mo tu, yumi mas kwik blong givim samting long olgeta taem oli nidim. Ridim mo tokbaot ol impoten vas long haf ya, mo tokbaot wan no tu stori long saed ya we oli kamaot long ol buk blong yumi.

Singsing 100 mo laswan prea.

Wik We i Stat Long Mei 24

Singsing 128

12 menet: Lokol mesej. Ripot blong ol kaon. Mekem wan pleplei blong seremaot Wajtaoa Jun 1 mo wan pleplei blong seremaot Wekap! Eprel/Jun. Sipos i no gat tufala magasin ya, yufala i save yusum ol laswan magasin we yufala i kasem. Mekem ol toktok blong yufala i stret long wan man we i joen long wan skul long ples blong yufala.

15 menet: “Miusik We i Mekem Yumi Haremgud.” Wan tok wetem sam kwestin mo ansa. Talem sam poen we oli kamaot long 2002 Yearbook, pej 175, mo Wajtaoa Februari 1, 1997, pej 27, haf 1-2.

18 menet: Rere Oltaem Blong Tekem Janis Blong Prij. Wan tok wetem sam kwestin mo ansa. Haf ya i stanap long Kingdom Wok Blong Yumi, Jun 2003, pej 3. Askem samfala we oli rere finis, blong oli tokbaot samting we i bin hapen taem oli tekem janis blong prij. Mekem wan sot pleplei blong soem olsem wanem blong tekem janis blong prij wetem traket ya ?Yu Yu Wantem Lanem Moa Long Saed Blong Baebol? mo buklet ya Good News for All Nations.

Singsing 211 mo laswan prea.

Wik We i Stat Long Mei 31

Singsing 26

8 menet: Lokol mesej. Talem long ol pablisa blong putum ripot blong prij blong manis Mei.

17 menet: Laef​—⁠Wan Sas Presen. Kwestin mo ansa we i stanap long Save buk, pej 128, haf 21 mo Insight buk, Volium 1, pej 28. ?Olsem wanem yu save eksplenem tingting blong Jeova long saed blong fasin blong kilim pikinini long bel, long wan man we i ting se woman i gat raet blong jusum wanem we hem i mekem long prapa bodi blong hem? Talem stori ya we i stap long Wajtaoa Jenuware 1, 2000, pej 4, haf 4-5.

20 menet: Folem Fasin Blong Ol Faswan Kristin We Oli No Fraet Blong Prij. Kwestin mo ansa we i stanap long buk ya Wosipim God, pej 170-171. Askem long kongregesen blong ansa long ol kwestin long haf 7 mo blong tokbaot ol vas long ol ansa blong olgeta. Ridim sam vas. Makemgud ol lesen we yumi lanem from ol vas ya, mo olsem wanem oli givhan long yumi blong gat stret tingting long saed blong wok blong prij.

Singsing 24 mo laswan prea.

Wik We i Stat Long Jun 7

Singsing 136

10 menet: Lokol mesej. Tokbaot ol bigfala poen long haf ya “Samting We i Save Halpem Ol Man.” Talem sam lanwis we ol man oli toktok long teritori blong yufala.

15 menet: Lokol nid.

20 menet: Yusum Ol Gudfala Pijatok Taem Yu Tijim Narafala. Wan tok wetem sam kwestin mo ansa. Haf ya i stanap long Wajtaoa, Septemba 1, 2002, pej 22-24. ?Wanem fofala samting i mekem se wan pijatok i gud? ?From wanem i gud blong yusum ol isi pijatok nomo? ?Weples yumi save faenem ol gudfala pijatok? Tekem sam eksampol long bokis long pej 23, mo tokbaot wanem i mekem se ol wanwan pijatok ya oli gud.

Singsing 133 mo laswan prea.

[Ol futnot]