Ol Miting Blong Kingdom Wok

Wik We i Stat Long Oktoba 9

Singsing 25

10 minit: Lokol mesej. Jusum sam Advaes long Kingdom Wok Blong Yumi. Yusum ol fastok long pej 8, no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Oktoba 1 mo Wekap! blong Oktoba-Disemba, wetem Kingdom Nius No. 37. Sipos tufala magasin ya i no gat, yusum tu laswan we kongregesen i kasem.

15 minit: “Givhan Long Ol Narafala Blong Oli Kam Fren Blong God.”a Askem long kongregesen blong oli tokbaot olsem wanem gudfala eksampol blong ol narafala mo prea we oli mekem wetem ful hat blong olgeta, i bin givhan long olgeta blong oli gohed gud kasem mak ya we oli tekem baptaes.

20 minit: Rere Blong Seremaot Kingdom Nius No. 37. Tok wetem kwestin mo ansa. Tingtingbak long ol plan blong mekem spesel wok ya, olsem i stap long Kingdom Wok Blong Yumi blong Septemba. Pulum tingting blong evriwan blong oli joen fulwan long wok ya. Leftemap tingting blong olgeta we oli gat ol Baebol stadi we oli stap gohed gud, blong oli tingbaot sipos ol studen ya oli naf blong kam ol pablisa we i no baptaes, nao oli save joen long spesel wok ya. Ol papa mama tu oli save tingbaot sipos ol pikinini blong olgeta oli naf blong kam pablisa. Tokbaot kwiktaem ol mak we oli mas kasem blong kam pablisa, long buk ya Organized to Do Jehovah’s Will, pej 79-81.

Singsing 221 mo laswan prea.

Wik We i Stat Long Oktoba 16

Singsing 84

10 minit: Lokol mesej.

20 minit: Kasem Blesing From Buk Stadi. Tok wetem kwestin mo ansa we i stanap long buk ya Organized to Do Jehovah’s Will, stat long smol stamba tok long pej 69 go kasem faswan smol stamba tok long pej 72.

15 minit: “?Yu Yu Putum Wanem Long Fasples Long Laef Blong Yu?”b Askem long sam pablisa we oli rere gud fastaem, olsem wanem oli jenisim program blong olgeta blong mekem se ol wok blong Kingdom i stap long fasples long laef blong olgeta, mo askem olgeta blong tokbaot ol blesing we oli kasem from.

Singsing 172 mo laswan prea.

Wik We i Stat Long Oktoba 23

Singsing 58

10 minit: Lokol mesej. Ridim ripot blong ol kaon mo talem tangkiu from ol presen mane. Yusum ol fastok long pej 8, no sam narafala fastok we oli wokgud long ples blong yufala, blong mekem tu pleplei blong soemaot olsem wanem blong seremaot Wajtaoa blong Novemba 1 mo Wekap! blong Novemba (Franis/Inglis). Sipos tufala magasin ya i no gat, yusum tu laswan magasin we kongregesen i kasem. Long wan pleplei, pablisa i soem olsem wanem blong ansa long tok ya: “?From wanem yufala i stap kam oltaem?”​—Lukluk buklet ya Statem Wan Storian, pej 16.

15 minit: Lokol nid.

20 minit: “Kasem Gudfala Help From Ol Miting Blong Prij.”c Long haf 3, yusum sam poen blong haf 4 blong Ansa Long Wan Kwestin long Kingdom Wok Blong Yumi blong Septemba 2001. Haf ya i tokbaot wanem samting blong mekem sipos i no gat wan brata i stap blong lidim miting blong prij.

Singsing 143 mo laswan prea.

Wik We i Stat Long Oktoba 30

Singsing 207

10 minit: Lokol mesej. Talem long ol pablisa blong oli givim ripot blong prij blong Oktoba mo raetem biaen long ripot hamas Kingdom Nius No. 37 we oli bin seremaot.

15 minit: ?Olsem Wanem Mi Save Prij Long Ol Fren Blong Mi Long Skul? Tok wetem kwestin mo ansa we i stanap long Wekap! blong Oktoba-Disemba, 2002, pej 18-20. Askem samfala long kongregesen blong oli tokbaot stori blong olgeta taem oli prij long ol fren blong olgeta long skul.

20 minit: Ol Stori Blong Prij Wetem Kingdom Nius No. 37. Askem long ol pablisa blong oli tokbaot ol gudfala frut we oli kasem taem oli seremaot Kingdom Nius No. 37. Tokbaot ol teritori we ol pablisa oli wok finis long olgeta mo wanem wok i stap yet blong mekem blong kavremap ful teritori blong kongregesen bifo long Novemba 12. Mekem pleplei blong wan pablisa we i yusum buk ya Baebol Tijim taem hem i gobak blong mekem wan visit. Talem bakegen long ol pablisa blong oli karembak ol Kingdom Nius we oli no naf blong seremaot bifo we spesel wok ya i finis, blong ol narafala oli save yusum.

Singsing 136 mo laswan prea.

Wik We i Stat Long Novemba 6

Singsing 146

10 minit: Lokol mesej. Yusum ol fastok long pej 3-4 blong Kingdom Wok Blong Yumi blong Jenuware 2005, no sam narafala fastok we oli wokgud long ples blong yufala, blong mekem pleplei blong seremaot buk ya Learn From the Great Teacher, stat long medel blong manis Novemba. Sipos i gat taem, askem long kongregesen blong oli tokbaot ol gudfala frut we oli kasem taem oli yusum buk ya long wok blong prij no long famle blong olgeta.

15 minit: Mekem Se Dei Blong Mared Blong Yu i Givim Glad Mo i Karem Ona. Wan elda i mekem tok ya we i stanap long Wajtaoa blong Oktoba 15, 2006, pej 28-31 (Franis/Inglis).

20 minit: Talemaot Tok Blong God Mo Haremgud. Tok wetem kwestin mo ansa we i stanap long Wajtaoa blong Jenuware 15, 2002, pej 8-9. Askem long kongregesen blong oli tokbaot olsem wanem wok blong prij i mekem oli haremgud. Wan no tu pablisa oli save reregud fastaem.

Singsing 8 mo laswan prea.

[Ol futnot]