Ol Miting Blong Kingdom Wok

Wik We i Stat Long Ogis 11

Singsing 63

10 minit: Lokol mesej. Askem long kongregesen blong tokbaot ol haf we i stap insaed long ol niufala magasin, we oli luk se ol man long teritori oli intres long hem. Askem long kongregesen blong talem weswan poen oli wantem yusum long ol haf blong ol magasin ya we oli plan blong yusum. ?Wanem kwestin we oli save askem blong statem wan storian? ?Oli save ridim wanem vas we i stap long haf blong magasin we oli plan blong yusum? Mekem sam pleplei blong soemaot olsem wanem oli save yusum ol fastok.

15 minit: Mekem Wok Blong God—We Yu No Letem Wan Samting i Blokem Yu. Tok we i stanap long buk ya “Come Be My Follower,” pej 93-94, haf 12-13 long Inglis mo Franis.

20 minit: “Yumi Mas Gat Gudhan.”a

Singsing 26

Wik We i Stat Long Ogis 18

Singsing 135

10 minit: Lokol mesej. Jusum sam Advaes long Kingdom Wok Blong Yumi. Tokbaot “Program Blong Nekis Seket Asembli.” Talemaot stret dei blong nekis seket asembli sipos yufala i save finis. Talem long kongregesen blong karem Wajtaoa blong Septemba 1 mo Wekap! blong Julae-Septemba, no tufala laswan magasin we kongregesen i kasem, i kam long Miting Blong Kingdom Wok nekis wik. Mo leftemap tingting blong olgeta blong reregud, blong yumi save tokbaot olsem wanem blong seremaot ol magasin ya long teritori blong yumi.

20 minit: Ol Klos Mo Hea Blong Yumi Oli Givim Ona Long Jeova. Wan elda bambae i mekem tok ya. From we Jeova God i tabu, i wan impoten samting long ol man blong hem blong oli stap klin long saed blong bodi. (Eks. 30:17-21; 40:30-32) Gudfala eksampol blong yumi long saed blong klos mo hea, speseli long wok blong prij, i mekem Jeova i glad mo i leftemap nem blong hem. (1 Pita 2:12) Sipos yumi no mekem olsem, ol man bambae oli save “tok nogud long tok blong God.” (Taet. 2:5) Talemaot ol stori we oli hapen long ples blong yumi no sam stori we i stap long ol magasin, blong soemaot se gudfala eksampol blong ol pablisa long saed blong klos mo hea i save givim wan gudfala witnes.

15 minit: Yumi Save Gat Paoa Nating Se Yumi Slak. Tok we i stanap long Wajtaoa (Franis/Inglis) blong Jun 15, 2008, pej 3-6.

Singsing 61

Wik We i Stat Long Ogis 25

Singsing 24

15 minit: Lokol mesej. Ridim ripot blong ol kaon mo talem tangkiu from presen mane. Tokbaot “Program Blong Nekis Spesel Dei Asembli,” mo talemaot stret dei blong nekis spesel dei asembli sipos yufala i save finis.

15 minit: Lokol nid.

15 minit: Rere Blong Seremaot Wajtaoa blong Septemba 1 mo Wekap! blong Julae-Septemba, no tufala laswan magasin we kongregesen i kasem. Kwestin mo ansa. Blong smol taem tokbaot ol poen long ol magasin mo biaen askem long kongregesen wanem ol haf we maet ol man long teritori oli intres long olgeta. ?Wanem kwestin mo vas oli save yusum blong statem wan storian long haf ya? Soemaot olsem wanem yumi save yusum ol fastok long Kingdom Wok Blong Yumi. Wan elda bambae i mekem wan sotfala pleplei we hem i rerem finis. Pleplei ya i stanap long wan haf blong magasin ya we i stret long ol man long teritori blong yumi.

Singsing 196

Wik We i Stat Long Septemba 1

Singsing 112

10 minit: Lokol mesej. Talem long ol pablisa blong oli givim ripot blong olgeta blong manis Ogis.

20 minit: “Oli Stap Olgeta Nomo Be Yumi No Fogetem Olgeta.” Tok we i stanap long Wajtaoa (Franis/Inglis) blong Eprel 15, 2008, pej 25-28. Talem nem blong ol brata sista we oli stap long ol spesel haos blong lukaot long ol olfala. Sipos i nogat, yusum ol poen long magasin ya blong leftemap tingting blong kongregesen blong sapotem olgeta we oli sik mo olgeta we oli naf blong joen smol nomo long ol defren wok blong kongregesen.

15 minit: Statem Wan Baebol Stadi Long Faswan Taem We Yumi Prij Long Man Long Manis Septemba. Kwestin mo ansa. Long manis Septemba bambae yumi seremaot Baebol Tijim buk mo bambae yumi traehad blong tokbaot sam paragraf blong buk ya long faswan taem we yumi storian wetem man. Lukluk bakegen ol fastok long pepa we i stap long medel blong Kingdom Wok Blong Yumi blong Jenuware 2006, mo mekem wan no tu pleplei blong soemaot olsem wanem blong statem wan Baebol stadi long faswan taem we yumi prij long man.

Singsing 74

[Futnot]