Ol Miting Blong Kingdom Wok

Wik We i Stat Long Oktoba 13

Singsing 174

10 minit: Lokol mesej. Talemaot ol plan blong spesel wok blong seremaot traket, we bambae i stat long Oktoba 20, mo talem long evriwan se i gud oli tekem traket blong olgeta sipos oli no karem yet. Tekem smoltaem blong tokbaot ol fastok long pej 8, olsem wanem blong seremaot Wajtaoa blong Oktoba 1 mo Wekap! blong Oktoba-Disemba. Plante pablisa oli stap seremaot ol magasin ya sam wik finis, taswe askem long olgeta blong talem sam stori we oli gat long wok blong prij taem oli seremaot ol magasin ya.

35 minit: “Niufala Program Blong Ol Miting Blong Kongregesen.”a Sipos i gat taem, ridim ol vas we oli stap mo askem long kongregesen blong tokbaot olgeta.

Singsing 216

Wik We i Stat Long Oktoba 20

Singsing 113

5 minit: Lokol Mesej. Jusum sam Advaes long Kingdom Wok Blong Yumi.

20 minit: Holem Glad Long Wok Blong Prij. Wan tok blong leftemap tingting, we i stanap long haf we i stap long Wajtaoa blong Julae 1, 2005, stat long pej 24, haf 11, go kasem pej 25, haf 17. Askem sam kwestin long wan no tu pablisa we tufala i mekem wok blong Jeova longtaem finis, blong tufala i talemaot wanem i bin givhan long tufala blong holem glad taem ol man oli no wantem lesin.

20 minit: Rere blong seremaot Wajtaoa blong Novemba 1 mo Wekap! blong Oktoba-Disemba, no tufala laswan magasin we kongregesen i kasem. Afta we yu tokbaot smoltaem ol haf we oli stap long tufala magasin ya, askem long kongregesen wanem ol haf we maet ol man long teritori oli intres long olgeta, mo from wanem ol man bambae oli intres long ol haf ya. Askem long olgeta we oli lesin blong oli talemaot wanem ol kwestin we oli plan blong yusum blong statem wan storian, mo bifo we oli seremaot magasin long man, wanem vas long haf blong magasin we bambae oli ridim. Brata bambae i yusum wan fastok we i stap long pej 8 no wan fastok we i stret long teritori, blong mekem tu pleplei blong soemaot olsem wanem blong seremaot tufala magasin ya.

Singsing 148

Wik We i Stat Long Oktoba 27

Singsing 30

5 minit: Lokol mesej. Ridim ripot blong ol kaon mo leta blong talem tangkiu from presen mane.

10 minit: Lokol nid.

30 minit: “!I Impoten Tumas Blong Mekem Famle Baebol Stadi Mo Stadi Yu Wan!”b Sipos i gat taem, ridim ol vas we oli stap mo askem long kongregesen blong tokbaot olgeta.

Singsing 142

Wik We i Stat Long Novemba 3

Singsing 100

10 minit: Lokol mesej. Talem long ol pablisa blong oli givim ripot blong manis Oktoba.

20 minit: Tiokratik Skul Blong Yia 2009. Tok wetem kwestin mo ansa we elda we i lukaot long skul i mekem. Talemaot long kongregesen, ol jenis long Tiokratik Skul we i stap long pepa insaed long Kingdom Wok Blong Yumi, hemia Program Blong Tiokratik Skul Long Yia 2009. Leftemap tingting long evriwan blong oli traem bes blong olgeta blong mekem ol tok we oli kasem, blong oli talemaot sam poen long Baebol riding, mo blong oli folem ol advaes we i kamaot evri wik long buk ya Benefit From Theocratic Ministry School Education.

15 minit: Lanem Blong Gat “Gudhan Blong Tij.” Brata we i lukaot long wok blong prij no wan narafala elda, i tokbaot ol faef stamba rod blong tijim gud ol man we i kamaot long haf we i stap long Wajtaoa blong Jenuware 1, 2008, pej 13 haf 5 go kasem pej 16 haf 18. Storian wetem wan no tu pablisa we oli luk finis se ol save long haf ya i halpem olgeta blong kamgud moa long fasin blong tij.

Singsing 91

[Ol futnot]