?Yumi Tokbaot Wanem Long Ol Magasin?

Wajtaoa Disemba 1

“?Yu yu ting se evri samting we ol jos oli tijim i kamaot long Baebol? [Letem man i ansa.] Baebol i givim woning se yumi mas lukaot se ol giaman tijing ya oli no pulum yumi. [Ridim Kolosi 2:8.] Magasin ya i tokbaot sikis tijing we oli stap longtaem finis i kam we oli no laenap wetem Tok Blong God, Baebol.”

Wekap! Oktoba-Disemba

“I luk olsem se ol famle oli stap kasem hadtaem. ?Sipos ol memba blong famle wanwan oli traehad blong folem eksampol blong Jisas, yu ting se ol famle ya bambae oli olsem wanem? [Ridim Matiu 20:28. Biaen, letem man i ansa.] Magasin ya i tokbaot ol samting we ol famle oli save lanem long eksampol blong Jisas.”

Wajtaoa Jenuware 1

“?Yu yu ting se wan dei God bambae i finisim ol trabol we i mekem ol man long wol oli safa? [Letem man i ansa.] Traem luk promes ya long Baebol we i save mekem tingting blong yumi i strong long saed blong fiuja. [Ridim wan long ol vas blong Baebol we i stap long bokis long pej 7.] Magasin ya i soemaot samting we Baebol i talem long saed blong wetaem mo olsem wanem God bambae i finisim trabol we i mekem man i safa.”

Wekap! Jenuware-Maj

“Ol masin olsem mobaelfon mo kompiuta oli kam wan haf blong laef blong yumi finis. ?Yu yu ting se fasin blong yusum ol masin ya i stap sevem taem blong yumi no i stap westem taem? [Letem man i ansa.] Bighaf blong ol man bambae oli agri long advaes ya blong yusum taem blong yumi long waes fasin. [Ridim Efesas 5:15, 16.] Magasin ya i tokbaot olsem wanem yumi save gat stret tingting long saed blong ol masin ya mo yusum olgeta long rod we i stret.”