“?Bambae Mi Putum Hamas Aoa Long Ripot Blong Mi?”

?Yu yu askem kwestin ya samtaem? Ol rul we yumi mas folem long saed ya, oli stap long pej 86-87 long buk ya Organized. Mo tu, wanwan taem yumi kasem sam moa advaes, olsem hemia we i stap long Ansa Long Wan Kwestin, long Kingdom Wok Blong Yumi blong Septemba 2008. From we laef blong wanwan man i defdefren, yumi no gat wan longfala lis blong ol rul. Taswe, i no stret tu, we ol elda no ol narafala oli traem putumap sam moa rul bakegen.

Sipos i gat wan kwestin we ol buk blong yumi oli no givim ansa long saed ya, wanwan pablisa i save tingbaot se: ?I tru we mi spenem ol aoa ya long wok blong prij, no mi mekem sam samting we i no joen nating long wok blong prij? Yumi mas glad long samting we yumi raetem long ripot blong prij evri manis. Ol namba we yumi raetem long ripot blong yumi oli no mas mekem tingting blong yumi i trabol. (Wok 23:1) I tru, samting we i impoten blong tingbaot se, i no hamas aoa we yumi mekem, be olsem wanem yumi yusum ol aoa ya long wok blong prij, blong givhan long ol man.—Hib. 6:11.