Ol Fastok

Blong Statem Ol Baebol Stadi Long Fas Sarede Blong Manis Februari

“Sam man oli bilif se Baebol i wan buk blong ol profet tok we yumi save trastem. Sam narafala oli ting se Baebol i tokbaot sam profet tok we oli no klia gud, mo we oli gat plante defdefren mining. ?Wanem tingting blong yu?” Yu letem man i ansa. Biaen yu givim Wajtaoa blong Februari 1 long hem, mo yutufala i tokbaot ol haf we i stap aninit long fas smol stamba tok long pej 11. Yutufala i ridim wan long ol vas we i stap. Yu askem long hem sipos hem i wantem tekem magasin ya, mo yu mekem plan blong yu gobak blong tokbaot nekis kwestin.

Wajtaoa Februari 1

“Yumi save lanem plante samting long laef blong ol impoten man mo woman blong bifo. ?Yu yu agri? [Yu letem man i ansa.] Vas ya i tokbaot wan impoten man we Baebol i singaot hem se ‘Fren blong God.’ Hem nomo we Baebol i singaot hem olsem. [Yu ridim Jemes 2:23.] Magasin ya i eksplenem from wanem God i talem se Ebraham i fren blong hem, mo i tokbaot samting we yumi save lanem long eksampol blong Ebraham.”

Wekap! Jenuware-Maj

“Long wol tede, ol man oli no moa tinghae long mared. ?Yu yu ting se yumi save faenem sam gudfala advaes, we i save givhan blong mekem se mared i stap gud? [Yu letem man i ansa.] ?Mi mi save ridim toktok we wan waes man i talem long saed ya? [Yu ridim Ol Sam 1:2, 3.] Stamba samting we i mekem se mared i stap gud, hemia taem mared man mo woman i folem ol rul blong Baebol. Magasin ya i talemaot 5 impoten samting we i mekem se mared i stap gud.” Yu soem haf we i stap long pej 10.