?Bambae Yu Mekem Wanem Long Taem Blong Holide?

Taem i gat ol holide, ol man oli stap nomo long haos blong olgeta. Taswe, hemia wan gudfala taem blong yumi joen long wok blong prij. Ol kongregesen oli kasem advaes se, i gud we oli mekem sam spesel plan blong wok blong prij, taem i gat holide. Taem i gat holide olsem, plante man oli wekap let long moning. Taswe, i gud we kongregesen i jenisim taem blong miting blong prij. Mo long Miting Blong Kingdom Wok, kongregesen bambae i talemaot ol plan we yumi save folem long taem olsem, mo i save leftemap tingting blong evriwan blong oli joen long wok blong prij long taem ya. I tru se taem i gat holide, yu wantem spel mo mekem samting we yu nomo yu wantem. Be i gud we yu spenem sam aoa blong joen long wok blong prij. Sipos yu mekem olsem, bambae yu glad tumas long taem ya we yu spenem blong mekem tabu wok blong God.—Mat. 11:29, 30.