Spesel Wok Blong Singaot Ol Man i Stat Long 22 Maj
Long yia ya, spesel wok blong singaot ol man oli kam long Memoriol, bambae i stat long Sarede 22 Maj. I gud yumi evriwan i joen fulwan long wok ya. Long ol wiken, sipos yumi luk se i stret, yumi save givimaot ol magasin tu. Long fas Sarede blong manis Eprel, i gud yumi seremaot ol pepa blong Memoriol i bitim we yumi statem ol Baebol stadi. Be, sipos yumi mitim wan man we i rili intres, yumi save statem Baebol stadi wetem hem. Elda we i lukaot long wok blong prij bambae i talem, sipos yumi save givimaot ol pepa blong Memoriol long ol man we yumi prij long olgeta long rod. I gud yu mekem wan lis blong olgeta we yu wantem singaot olgeta, olsem ol famle blong yu, ol fren long wok, ol fren long skul, mo ol visit. Nao taem spesel wok ya i stat, yu save go givim wan pepa blong Memoriol long olgeta. Mifala i sua se plante man bambae oli joen wetem yumi, blong lesin long tok we i soemaot bigfala samting we Jehova mo Jisas tufala i mekem from we tufala i lavem yumi.—Jon 3:16; 15:13.