?Ol Witnes Blong Jehova Oli Gat Ol Pris Mo Pasta We Oli Pem Olgeta?

Ol Witnes blong Jehova oli folem fasin blong ol Kristin bifo. Olgeta ya oli no gat ol pris no ol pasta we oli stap pem olgeta. Olgeta Witnes blong Jehova we oli baptaes finis, oli mekem wok ya blong talemaot gud nius mo blong tijim Baebol long ol man. Ol Witnes oli joen long ol kongregesen wanwan we i gat samwe long 100 Witnes. Long evri kongregesen, i gat ol man we oli bigman long ol Kristin fasin. Olgeta ya oli mekem wok olsem ol elda, blong oli lukaot long ol kongregesen. (Taetas 1:5) Oli no stap kasem pei taem oli mekem wok ya.