Ol Translesen Blong Baebol Long Afrika

Ful Baebol we oli transletem fastaem long wan lanwis blong Afrika oli mekem long Ijip. Oli kolem ol translesen ya Koptik versen, mo oli bilif se oli mekem long namba tu handred no namba tri handred yia K.T.a Samting olsem tri handred yia biaen, oli transletem Baebol long lanwis blong ol man Itiopia.

Ol handred lanwis we oli no raetemdaon we oli stap toktok long hem long Saot Itiopia mo long Sahara oli mas wet long ol misinari we oli kam biaen 1800. Long 1857 wan bigfala samting i kamaot hemia taem Robert Moffat i finisim translesen blong Baebol long lanwis blong ol man Tasuana, wan lanwis blong saot Afrika. Hem i prentem tu ol haf wetem wan mesin we i wok long han. Hemia hem i faswan Baebol we oli prentem fulwan long Afrika mo hem i faswan translesen tu we hem i fulwan long wan lanwis blong Afrika we bifo oli no raetemdaon. Wan samting we yumi intres long hem, Moffat i yusum tabu nem ya Yehova long translesen blong hem. Long versen blong 1872 we British and Foreign Bible Sosaeti i mekem, Jisas i yusum nem ya Yehova, long stampa tok blong hem long Matyu 4:10 mo Mak 12:​29, 30.

Long 1990 oli transletem ful Baebol long 119 lanwis blong Afrika finis, wetem sam haf blong hem long 434 narafala lanwis.

[Futnot]