!Haremgud Long Klin Wol Long Fyuja!
!YUMI glad we Jeova, God blong ol samting we oli stap long oda mo oli klin, bambae i mekem ful wol i kam paradaes olsem we hem i bin wantem fastaem! (Aesea 11:6-9) Hem i promes se: “Bambae i olsem long tok ya blong mi we i kamaot long maot blong mi. Bambae hem i no save kambak long mi, we hem i no karem frut blong hem, no gat. . . . bambae hem i mekemgud olgeta wok we mi mi sanem hem i go from.” Yes ol tok ya oli tru, “God i no save gyaman.”—Aesea 55:11; Hibrus 6:18.
!Yumi save glad se Jeova bambae i mekem wan samting bifo we ol man oli bitim mak long fasin ya blong sakem doti long wol mekem se oli spolem wol olgeta!—Revelesen 11:18.
Jeova bambae i tekemaot ol man we oli no wantem tanem tingting blong olgeta, ol man we oli no kea blong sakem doti long wol mo olgeta we oli sakem ol rul blong Jeova long saed blong fasin ya we ol samting oli mas stap long oda mo klin. Hem i no save letem man i spolem Paradaes we bambae hem i stanemap bakegen.—Proveb 2:20-22.
Long taem we Kingdom blong God aninit long Jisas Kraes i rul, bambae ol man oli save lanem olsem wanem blong finisim sam samting blong mekem doti long wol we oli stap yet. Biaen—i no naoia—olgeta man blong God bambae oli joen blong mekem olgeta ples long wol oli kam klin.—Lukluk Esikel 39:8-16.
Ol man we oli laef tru long en blong rabis fasin blong naoia, bambae oli givhan blong klinim wol. Bambae oli mekem wok ya wetem sem tingting blong wok strong olsem we tede oli stap mekem long saed blong speret.—Ol Sam 110:3.
Wan klin wol bambae i kam, afta long wan bigfala wok blong klinap we Kingdom blong God bambae i mekem. Olgeta samting we doti i mekem bambae oli lus olgeta. Yu no save luk ol raeting long ol wol blong ol haos. Bambae i no moa gat ol botel, ol emti tin, ol plastik, ol juinggam mo ol pepa blong joklet, ol nyuspepa, mo ol magasin olbaot long ol sanbij no ol ples we oli naes olsem paradaes.
!Haremgud long klin wol long fyuja!
[Tok Blong Pija Long Pej 7]
?Bambae yu yu joen long bigfala wok ya blong klinim wol long fyuja?